كتاب صغير.. له تأثير كبير

لو سمحت!!
إحنا لسه بنحتفل معاك باليوم العالمي لكتاب الطفل، ودلوقتي ممكن تسيب كل اللي في إيدك، وتسترخي تماماً.. ارجع بذاكرتك 10 أو 20 أو 30 أو 40 سنة..
يعني من الآخر حاول تفتكر نفسك لما كنت طفل صغير عندك 5 أو 6 سنين.. وفكر في إجابة الأسئلة دي..
كنت بتتعامل مع الكتب وإنت صغير ولا لأ؟!
لو كنت بتحب تقرأ وإنت صغير.. هل فاكر أي كتاب من اللي قريتهم ولا ؟!
ليه فاكر الكتب دي بالذات؟! وهل الكتب دي أثّرت في حياتك؟!
طيب تفتكر الكتاب ده كان بيحكي عن إيه؟!
ولو كنت ما بتحبش تقرأ وإنت صغير.. تفتكر كان إيه السبب؟!
دلوقتي بقى ارجع للواقع.. وابعت لنا حالاً إجابتك على الأسئلة دي كلها، بكل التفاصيل يعني إيه أهم الكتب اللي قريتها وإنت صغير ولسه فاكرها، وكانت بتحكي عن إيه؟!! وليه فاكر الحكاية دي بالذات؟!!
يلّا بقى بسرعة شارك معانا
مستنيينك..