مكرونة بولونيز على "سفرة دايمة"

أعدّها لكم: نيرة أحمد
النهارده هنعمل مع بعض مكرونة بولونيز بطريقة سهلة وممكن تقدميها طبق جانبي في وجبة الغداء.
مكرونة بولونيز
المقادير:
كيلو مكرونة إسباجيتي
6 ثمرة طماطم مقطعة لمكعبات صغيرة
ملعقة صغيرة ثوم مفروم
ملعقة كبيرة عسل أبيض
1⁄2 كيلو لحمة مفرومة
ملعقة صغيرة بودرة ثوم
11⁄2 كوب صلصة
ملعقة كبيرة زيت
ملح وفلفل أسود
رشة بابريكا
رشة زعتر
الطريقة:
1- اسلقي المكرونة في ميه على النار، وبعدين ارفعيها وصفيها من الميه كويس وسيبيها على جنب.
2- شوحي الثوم في الزيت وضيفي عليه الطماطم واللحمة المفرومة وقلبيهم، وبعدين ضيفي عليهم الصلصة وباقي المكونات وسيبيهم على النار لمدة 15 دقيقة.
3- ارفعي الخليط من على النار وضيفيه على المكرونة وقلبيهم مع بعض، وقدميها.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،