أجمل تعليقات ال "فيسبوكيون" على بروووودة الجو

البرودة القارسة.. ودرجات الحرارة المنخفضة.. انعكست على تعليقات رواد مواقع التواصل الاجتماعى " فيس بوك وتويتر " وعالعادة جاءت التعليقات ساخرة ومزدانة بخفة الدم المصرية .. مثل :
* الطقس طقس أوروبا .. والعيشة عيشة صومال.
* مصر دافئة بطبيعتها..البرد جزء من المخطط الأجنبي علشان عجلة الإنتاج تقفش.
* درجة الحرارة فى القاهرة 9 ، وفى نيويورك 6 شدوا حيلكم شوية ، باقى 3 درجات ونوصل للعالمية .
*الجو لو فضل كده لحد يوم 25 يناير .. الجيش ممكن يفض المظاهرات بإزازتين مية ساقعة.
* منكوا لله يا بتوع الثورة بقالنا سنين مع حسنى مبارك والدنيا عمرها ماسقعت كده *بالنسبة للناس إللي كانت ناويه تحرق مصر ...ياريت يبدأو من دلوقتي عشان كده هنموت من البرد!
* إحنا بنعيش حملة فريزر التانية علي مصر.. ولا إيه .
*الجو بيستهبل يافوزيه فاكر نفسه في أوروبا قولوله يعيش عيشة أهله
*يا جماعة : إللي معاه ريموت التكييف يبطل هزار.
* التلج عندنا ومحدش قدنااااااااا
* أنا طلعت الهدوم الصيفي خلاص .. الشتوي مش مكفي
*أيها المواطنون: في ظل تلك الظروف الساقعة التي تمر بها البلاد .. قرر نسر العلم تخليه عن منصبه .. وتكليف طائر البطريق بإدارة شئون العلم .. والله الموفق والمستعان.