مصطفى النجار ملعونة السياسة إنتم الباقيين لبعض يا شعب

لا يوجد بيت فى مصر لم تعصف به مشاحنات السياسة واستقطابها، بقدر ارتفاع الوعى السياسى ونسب المشاركة والاهتمام بالشأن العام الذى أعقب ثورة يناير بقدر ما تمزق المصريون وانهار كثير من العلاقات الاجتماعية والإنسانية والعائلية بين كثير من الناس لم يستطيعوا أن يفصلوا بين انتماءاتهم وتفضيلاتهم السياسية وبين علاقاتهم الإنسانية.
بيوت انهارت وصداقات انتهت وعداوات اشتعلت والسياسة كما هى بسوئها ومستنقعها والوطن لم يتقدم للأمام، ولم يحقق أى اتجاه سياسى ولا رمز سياسى لمناصريه وأتباعه ما يريدون، كثيرة هى الحكايات المؤلمة التى نسمعها ونعايشها وأغلب أسبابها تعود لاختلافات السياسة وموقفنا منها.
يبدو أن الرابحين وسط هذه المأساة هم من ظلوا مقاطعين للسياسة ومنشغلين عن زخمها ومصائبها بهواياتهم واهتماماتهم الأخرى، قابلت الأسبوع الماضى مجموعة من الشباب على أحد الكافيهات أثناء متابعة إحدى المباريات الكروية المهمة لفريقين أوروبيين وهالنى حجم الحماس والتشجيع المستمر طوال المباراة وعقب انتهاء المباراة انهمك الشباب فى تحليل المباراة واكتشفت أنهم يحفظون عن ظهر قلب أسماء اللاعبين والمدربين حتى الانتقالات بين الأندية يمتلكون معلومات كاملة عنها، ومزح أحدهم معى قائلا: مش نستمتع بالحياة أحسن بدل ما نحرق دمنا باللى بيحصل فى البلد، بص دا صاحبى فلان فلول أصلى ودا صاحبى فلان بيحب مرسى وأنا مش تبع حد ومش ناوى أصلا أكون تبع حد أنا كدا مرتاح وشلتنا مش مسموح لحد فيها يتكلم فى السياسة وإحنا مع بعض، خلى لهم همها السياسة وخلى لينا إحنا الحياة!
شاب آخر حديث التخرج قال لى: أنا مابقتش عايز أدخل بيتنا، أخويا وأختى فى خناقة مستمرة مع أبويا وأمى اللى عايزين ينزلوا الانتخابات وهمه عايزينهم يقاطعوا والحالة بقت صعبة أوى، دول بيقولوا لدول انتم بتضيعوا مستقبلنا وهمه يردوا عليهم إحنا بنحمى البلد اللى كانت هتضيع بسببكم، والصراحة بقى عايز أقولك إنى شايف إنها خناقة ملهاش لازمة البلد دى قدامها كتير والانتخابات مش هتفرق نتايجها مع حد أنا عايز أقولك أنا مقدم على هجرة فى 3 دول وشايف إن الهجرة هى الحل، محدش هيفهم دماغنا ولا هيحترم رأينا هنا طيب نقعد ليه ونحرق دمنا.
أما الأخير فقد قال لى: كل ما اشوف صحابى بيقطعوا فى بعض وناس قرايبى خسروا بعض بسبب السياسة بقولهم ملعونة السياسة اللى هتخرب البيوت وتفرق بين الأهل، إنتم اللى فاضلين لبعض ومش هتاخدوا حاجة لما فلان يحكم ولا علان، ماشى حبوا البلد واهتموا بيها لكن لو حب البلد هيدمر حياتكم فبلاشه وحبوا نفسكم شوية وصحابكم وناسكم وأهلكم، البلد مش هتتبسط ولا هتتقدم وولادها بياكلوا فى بعض.
لخص هذا الشاب المشكلة التى يعانى منها مجتمعنا ببساطة وعفوية، وسألنا سؤالاً لابد أن نجيب عنه: ماذا يستفيد الوطن إذا تقاتل أبناؤه؟ ماذا يستفيد الوطن إذا تحولت كراهية السياسة إلى لهب يحرق البيوت ويفرق بين الأهل والجيران والأصدقاء؟
اهتموا بالشأن العام ولا تكونوا سلبيين ولكن حافظوا على من تحبونهم ويحبونكم فهم أهم من السياسة بكل من فيها.