دبابيس..الكاتب الساخر مجدى فرج الشاعر

**ياريس .. أنا حلمت ان الشعب المصرى واقف فى مجرى نهر النيل وكل واحد شايل كوباية وبيدور على نقطة مية يشربها .. ممكن سيادتك تسيب كل اللى فى ايديك .. وتشوفلنا مصدر للمياه مع ماتبقى من نهر النيل ..أرجوك الناس هتموت بعض !!
**رمضان السنة دى .. ضلمة ..من غير فوانيس .. من غير موائد الرحمن ..من غير روح .. مش عارف ليه .. الملاحظ ان الزينات الورقية بالشوارع والفوانيس قليلة جداا ,, عن كل سنة .. الناس ماشية ضاربة بوز .. ونفسها مصدودة … حتى صلاة التراويح واللى على الاقل الواحد كان بيصليها فى المكتب على صوت الميكروفون اتمنعت .. طول عمرنا شعب ابن نكتة وفى أحلك الظروف بنضحك ونلقى بالنكات .. خايف ييجى اليوم نبقى شعب حزين .. مهموم .. مش عارف رايح والا جاى .. ونصيحة اذا حضر أحدكم الموت .. فليقل لملك الموت بالراحة عليه شوية أنا مصرى .. يعنى مش هيبقى عذاب .. دنيا وأخرة .
**ياسلام لو الواحد يعقل كدة .. .ويرتب أفكاره . والله كا ن خربها … انما نقول ايه. . . الجنون أسلوب حياه !!
**انهم يستدعون الأوروبيين والأجانب لاحتلالنا مرة أخرى .. بحجة حماية الأقباط .. فشلوا فى الوقيعة بين المسلمين والأقباط .. فقاموا بعمليات ارهابية داخل فرنسا وبريطانيا وأمريكا .. ثم قتل الأقباط داخل مصر .. علشان تبقى محاربة الارهابيين من هنا ومن الداخل وليس من الخارج
**عضو مجلس شعب دمياطى .. بيقولك .. ارجاء زيادة أسعار البنزين والكهربا والطاقة .. لما احوال الناس تتحسن ويبقى الحد الأدنى للأجور 3000 ج .. أجرم الراجل .. علشان تطلعه جاهل ومش دارس الموضوع .. وهوه صراخ وعويل الناس فى الشوارع من نار غلاء الأسعار محتاج دراسة .. دا محتاج احساس بالناس وبس .. انزل للشوارع والأسواق واتفرج .. اااه مانتم واكلين شاربين نايمين ببلاش وبتقبضوا أخر الشهر عكمة كبيرة كمان .. ياراجل دا مواصلاتكم على حسابنا .. تشرب شاى والا مش كييف .. تتعشى والا تبات خفيف … ههههههههه