قلب من حجر ..خواطر: منى الحديدى

محتاجين قلوب من حجر
حجر مابيحريش فيه دم ولا احساس
قلوب من حجر
يتحمل قسوة وظلم الناس
عيشين فى دنيا كلها غش وخداع
ولعب بالاحساس
الاخ بيبيع اخوه
والرباط والمحبه بيكون لاغرب الناس
والصديق يدوس على صديقه
لاجلى يتقرب لناس
وناس بتنهش فى عرض ناس
علشان تتقرب لناس
وناس بتحب وتخلص لناس
وفى الاخر بالرجل بتنداس
وناس بتضحى وبتعطى بكل اخلاص
وتقابل ناس مفيش فى قلوبها رحمه بالناس
وناس بتكنز فلوس وتبنى وتعلى
على حساب ناس غلابه مايملكوش
غير الدعوة لرب كل الناس
محتاجين قلوب من حجر
ماتحسش بظلم وغدر وقهر البشر
محتاجين قلوب من حجر
وعيون ماتعرف طريق للسهر
محتاجين نتعلم من الحجر قساوته
وقوته لاجلى نعرف نعيش بين الناس
واااه منك يادنيا ومن قساوتك
بتخلى اقرب واغلى الناس
كأنه ماكان ولا كأن كان فيه يوم احساس