آآآه وآآآآآآآآآآآآآه من إللى شوفته منه وحرقة دمع عينى وغلاوته والقلب إللى نزف دم من جرحه ولا نسيان يداويه ولا أفراح الدنيا تنسيه حزنه إللى كنت بقول عليه حبيب طلع تعلب وديب وبان ظلمه آآآه وآآآآآآآآآآآآآه من إللى شوفته منه حكايه ليها العجب لو هحكيها يشيب منها الولد كان ليا حبيب بموت فيه وبحبه إخلاصى ليه كان زى ضله زى شمس النهار لما بتغيب يجيى القمر ينورله عمرى ما فكرت أخونه ولا خطر على بالى ظلمه أتاريه ردى الطبع أول حاجه عملها لما ربنا كرمه داسنى بمداسه وسابنى للكلاب تنهش فى لحمى ولا همه سرى إللى عليه إئتمانته وياه بقى غسيل ينشره ولا يلمه سلمته قلبى وجوارحه كله غدر بيا وصاحب إللى يشبهله الفرع المايل عمره ما يتعدل أبدآ مهما تعدل فيه يميل ويغلب عليه طبعه الناس معادن والمعدن إللى يصدى إوعى تشتريه وتقول أشيل الصدا عنه يرجع يصدى تانى ويحن لأصله