يا تاج العِز..بقلم: محمد عنانى

ولوجودي كمان ناسيه
ياتاج العز على راسي
على شطك أنا راسي
بآلاقي فيكى كل أمان
رغم إني كتير باتهان
وأحس إني مانيش إنسان
فى همومي بكون غرقان
لكن حبك ينسيني
يرُد لي روحي يحيِيني
وفي الشده يواسيني
يهون الصعب في عيوني
مادام إسمك يكون عنوان
يامصر يادُرة الأكوان
ياحب بيجري في الشريان
ولو عاوزه عليه برهان
فرغم التوهه والحرمان
ورغم آهاتي والأحزان
على كتافي حمول لجبال
باقاسي نار كتير أهوال
لكن صابر عشان خاطرك
وبأدعي لك يطول عمرك
ومتحمل آلام وآنين
أنا وغيري من الملايين
في هواكي من العاشقين
يامصر ياغالية الغالين
ولو نصبر سنين وسنين
دايما راح نكون سندك
وفي الشده نكون ضهرك
ولو رُوحنا تكون مهرك
على عهد الوفا سايرين
وصاينك ربنا وحافظك
من الأعداء من الحاقدين
أو اللي خانوا يوم عهدك
من الجبنا ومن الخاينين
ودام عِزِك يارب آمين