النائب الرلماني...ردا على نشرة موقع وليكس

‎بقلم : حسن السكرى
أخر حاجه نتوقعها أن وليكس تخفى أسم عميل أمريكى
واللى قالت فيه الوثيقه أن النائب البرلمانى صاحب رفاهيه الشعب المصرى
مؤيد لخطه التوريث وأنه متخوف من أنقلاب عسكرى من المشير طنطاوى
وأنه هيدوس على أى حد أيا كان لتنفيذ خطه التوريث باى شكل أيا كان
اللطيف فى الموضوع أن العميل المحترم مكنش لوحده كان فيه أشيك منه
والمغلاه فى العماله صنعت أبطال أمريكيين صيرف لدرجه أنهم مسكوا أقتصاد مصر
والشعب المصرى كان كوميدى لابعد الحدود فذكرهم بالاسم من خلال نكته
فقال ليه البلد وسخه ورئيس الوزراء أسمه نظيف ليه البلد فقرانه ووزير الماليه؟
غالى والزراعه والسياحه والاثار وحسين وبهاء وعلاء وجمال وعز الرجال
والواحد بداء يشك فى صوابعه بس الخطه من البدايه للنهايه مسرح كبير جدا
بدايتا من موقع وليكس اللى مثل علينا الشرف وكل شويه يسخنا بكلمتين
على حسب الاحداث وبعدين مابعد الثورات وتجنيد المواقع الكبرى زى فيس بوك
وفى الأخر نلاقى نفسنا بنتهم بعض بالعماله والمحوسبيه والقوميه والسلفيه
وينتهى بينا الأمر نقول لبراليه وحقوق انسان ... شويه قضيه وشويه اسرائيل
وشويه بن لادن وشويه أوباما اللى أسال الواحد مش عارف هو ابن مين
أنا أشك أنه أبن خالتى أطاطا اللى بتقول يابن بنت بنت بنت بنت بنتى ياغالى
وفجئه يقولك برتكولات صهيون ومسلسل فارس بلا جواد يشتغل فى دماغنا
والخوف من التقسيم والدويلات والثورات المضاده والفوضى المقنعه أو المنظمه
طيب نجيب من الأخر أمريكا عايزة ايه تقولك مش عايزة حاجه اسرائيل عايزة
طيب اسرائيل عايزة ايه يقولك اسرائيل بتحب أفلام الكارتون وتوم وجيرى
فتح وحماس هما الفيران وقال أيه أسرائيل القط الأهبل اللى بياخد مقالب ونضحك عليه
وأحنا ناسيين المؤلف اللى بيحبك خطه البطوله وأسرائيل هيا البطل المطلق
وصاحبه فكرة التعاطف والأفلام المستهلكه وأنه هي الضحيه الوحيده فى العالم
وأنها لازم تاخد الغاز مننا بمزاجنا أو غضب عننا بالذوق بالعافيه هتاخده وفهمنا
وبرده جوز الفيران فتح وحماس لازم يدبحوا فى بعض ومصر مش من حقها تتدخل
ماثى ماثى طيب طيب هحط أيدى على خد وهتفرج طيب أخرس أتشل ؟
بصراحه عندى حل تانى للست أسرائيل تحط جزمتها فى بقها وتستنى العدل
وفكرة القدس تشيلها من دماغها خالص عشان وقتها أنتهى ودلوقتى يا تبقى كويسه
يا أما علية وعلى أعدائى يا نعيش عيشه بكرامه يا أما ترحل عننا وتعيش فى أى حته
اللى خلق الفوضى ونظمها ممكن يكون أول ضحيه ليها وتاتى الرياح بما لاتشتهى السفن