مكسورة

من يجي سنة مبقتش أنا
نسيت أنا طعم الهنا
من يجي سنة بدأت قصتي
جابت نهاية دنيتي
ده أنا كانت ضحكتي دايما تسابق بسمتي
دلوقتي صارت بسمتي تجري تداري دمعتي
بخاف يشوفو الناس بكايا
مش هيسبوني.... هيسألوني إيه الحكاية
اصلهم جدعان معايا
معرفش ارد اقولهم إيه
ده اللي فيا ميتحكيش
مبقتش عارفة حتى اعيش
مبقتش احس لحاجة طعم... ولا لون ...ولا شكل
مبقتش ادوق لا طعم نوم ...ولا شرب ...ولا حتى اكل
ابص للبرواز اشوفه من غير صورة
حتى الملعب من غير كورة
اروح ابص في المرايا الاقيها مكسورة
والباب اوكرته مقطومة
افتح درجي.. ابص فصورتي.. الاقيها مقطوعة
نزلت الشارع لقيت ماشية لوحدها مقطورة
بصيت للأرض... مشروخة
رفعت راسي في السما فضلت راسي مرفوعة
صرخت وقلت إيه جرى؟؟؟!!
وبعد السكوت ...
رد عليا وقالي صوت:
موجودة الصورة
والملعب بتجري فيه الكورة
والمرايا سليمة
والراجل سايق المقطورة
ولا حاجة مقطومة ولا مقطوعة
انت بس اللي نفسك من جوة مكسورة