لمسة احساسى

شايفك باحساسى
وبروحى انا لامسك
وفراقنا شىء قاسى
لكن انا حسك
مهما البعاد والجفا
يطبع على قلبك
دا مسيره يوم بالوفا
يرجع لى يوم حبك
وان ساب فى قلبك قسا
هداويكى من نفسك
سيبى الدموع تنزل
تغسل جراح قلبك
لا عرفت يوم الجفا
ولا قلبى كان جارحك
مليان محبة ودفا
يشفيكى لو مسك
يجرحنى اشوفك يوم
والدمع فوق خدك
اغرق فى حزنى واعوم
واضحك مع فرحك
انت النهار والمسا
خليكى طير فى السما
بيطير على حسى
مشتاق يا روحى تكونى
فى عيونى فرحة كونى
حسك فى تكوينى
شايلك ما بين رمشى
انا صورة من غيرك
رسماها ريشة الهوى
تتمنى لو تسكنى
فيها وتحيينى
طيرى وروحى بعيد
دى الدنيا بين الايد
رح ترجعى تجينى
وتغنى من تانى
وتطيبى فى نفسى