كتير عليا .. بقلم الشاعرة مرفت حمودة

الا حاجة صغيّرة
تبقى لى حضن
ألمس دفاه
تبقى لى نبض
أشعر صداه
وأبعد بعيد
عن كل لحظة
أعيشها لو متحيرة
مش عاوزة أكون
نجمة فى سماك
ولا حتى أكون
نسمة فى هواك
أنا عاوزة أكون
نبع لقلبك
مستحيل تغيره
أروى بدمعى
أرضك المخنوقة شوق
أبذر بذور الحب
جوه قلبك المعشوق
وأحفظ جدورك
لجل ماتفرع
حنين وتنشره
!كتير عليا
!كتير عليا
لما تبقى نبع
يروينى الحنان
!كتير عليا
لما تبقى صدر
يؤوينى بآمان
!كتير عليا
لما تبقى حضن
من غدر الأيام
دى هى أنا
فين أنت ياعمرى أنا؟؟؟