عربى أصيل ...!!!

*** سألونى .....!!!
*سألونى إيه كُنيتك ..... !!!
أنا قلت .... أنا إنسان ....
وحدى بأعيش دنيتى .....
هارب من الأحزان ......
و زمانى يوم صاحبى ....
وكتير يكون سجان ......
*قالولى .... عايشها فين دنيتك ....؟؟؟
أنا قلت كل مكان .....
ما كان لى يوم مرسى ....
و لا كان لى يوم عنوان .....
كل البلاد أرضى .....
و بدل الوطن أوطان ....
*طيب .... و جنسيتك .... ؟؟؟
أنا قلت .... عربى أصيل ....
بأدى ما بيهمنى .....
و لا عمرى كنت بخيل ....
أصل الكرم أصلى .....
و لا عندى غيره بديل ......
*طيب ... وإيه سكتك ....؟؟؟
أنا قلت ....
عابر أنا بسبيل ....
غريب فى طريق طويل .....
و الدنيا يوم ليا .... وكتير عليا تميل ....
و بخطوتى هأبدأ فى طريق الألف ميل ......
يمكن كتير صعبه .... لكن مش مستحيل .....
ما هو قدر مكتوب ..... أنى أبتدى وحدى .....
صعبه الحياه أيوه ..... و أهو كله بيعدى .....
*** لكن حلمى إللى فى خيالى .....
ذكرى و تبقالى .... ليا و لعيالى ....
شىء أعمله بيدى .... و فى دنيتى أدى .....
و يمكن كتير بأتكسر ..... لكنى بأرجع أقوم .....
وعهد أنا خدته .... ليوم ما القيامه تقوم .....
ما كنشى يوم ظالم .....و يا بختى لو مظلوم ......