إنت السبب

أنت السبب يا حبيبى
ليه بتتعجب من دموعى
مانت عارف مين السبب
فارقت القلب إللى حبك
وسافرت وأخدت قلبك
وسيبت قلبى فى عجب
سيبته يسهر لوحده
بيعانى من الفراق والألم
سيبته للعذاب والقلق
بعدك عنه يا حبيبى
هو السبب
بتفارق ليه غاوى تعذبنى
أنت عارف يوم فى فراقك
سنين عذاب وألم
ليالى سهر وسهد وشجن
بتلوم عليا بتلوم عنيا
لما بتشكى بالدموع وتبكى
على قلب قاسى سابها وهرب
عامل نفسه ناسى
كل الوعود والمآسى
إللى عانى منها قلبى
ولساك مش عارف
مين السبب
أزاى فى بعدك يجينى نوم
مقدرش أمنع دموع عنيا
قلبى ضعيف مش بأديا
فى حبك عنيف وبقول شويا
لو أقدر أجمع حب كل الدنيا
فى قلبى ليك أجمل هديه
برضه عليك يا حبيبى شويه
إللى يدوق حنانك
حتى لو لحظه يعيشها ف حضنك
يفضل طول الليالى
يسهر ويفكر ف حبك
وحالته تبقى عجب
أقولك أيه ولا أيه
عارف أيه محيرنى
مش قادر أعمل زيك
وأتقل على قلبك
عارف ليه
ما يهونش عليا
سيبنى أسهر سيبنى أفكر
سيب خيالك كفايه بعادك
سيب عنيا متلومش دموعى
خلينى حاضن خيالك
عايز أحس بحنانك
حتى وأنت بعيد
حاسس بيك
روحك معايا بتونس لياليا
وبتهون عليا بعادك
سيب عنيا بالدموع تشكى
سيبها تحكى وتبكى
وتقول لكل الدنيا
إنت يا حبيبى السبب