رايحة فين ......بقلم اسمراني صبري

مصر فين ورايحة فين الله اعلم رايحة فين
يوم مظاهرة ويوم شهيد تاهت بلد الطيبين
...
والحقيقة فقلب بحر موجوا حزن وهم وانين
يوم معارضة يوم اهانة واستهانة وسب دين
ضاع رغيف العيش واصبح حلم الغلبانين
والرجولة في مهب ريح والادب اصبح مشين
هي كانت ثورة وهم ولا كانت نومة للغفلانين
كام شهيد كام عنيد شعب ناسه موجوعين
نعسانين غرقانين قولوا مين بكى العينين
قلبي موجوع وبصراحة نفسي اعرف رايحة فين
الشعار اصبح حداد والحضارة بقت رماد ربك يعين
والوحوش بقوا فيها يشغوا والديابة والكلاب متربصين
واللي عامل نفسه عالم والله عالم هو مين
كنا عصبة يد واحدة ليه بقينا متقسمين
هو دوري وماتش كورة ولا صابت مصر عين
ليه ننادي بالخراب في اي ملة واي دين
رايحة فين ياحتة مني والله انا عايش حزين
ابوس ايديكم ارحموها وارحموا تعب السنين
مين رحمها مين كرمها مين كان مخلص امين
عودي يامصر ياغالية واحنا لطاعة جنابك مخلصين
واوعي تفتكري فراقك فرحة لينا كل ناسك مقهورين
وعد منا ياعظيمة نبوس ايديكي مسيحين ومسلمين
بس قبل ده كل قولي بالله عليكي رايحة فين