يوميات فتاة ثائرة...جبروت النساء

فى المترو تجلس سيدة صغيرة فى السن
فى العشرينات
و بجوارها شنطة بها ملابس
و شنطة بها البيبى
و من الناحية الأخرى شنطتها الشخصية
و كمان قاعدة بطريقة معينة
كأنها فى بيتها
ماشاء الله
كدة واخدة الكنبة كلها
و يا دوب يسمح المكان لسيدة أخرى بالجلوس
و عندما تحاول أى سيدة ثالثة الجلوس تقول
لألألأ
عشان البيبى
وأنا والدة سيزيريان
معلش بقى
اللى والدة سيزيريان دى إيه اللى مخرجها من البيت ؟؟
و بعدين نزلت إزاى من البيت و هى تحمل البيبى و شنطة الملابس و الغيارات و شنطتها
و إزاى سوف تنزل الآن من المترو و لنفرض إنه بقى زحمة هتعمل إيه ؟؟
ستات جبارة جبارة ................ يا بوياااااااا