مصر بخير

بقلم حسام الدنف
كل يوم بيمر مٌر على المصريين مٌر على غير المصريين مٌر برضه المهم انه بيمر 24 ساعة على البعض و12 على ناس تانين و20 على الشقيانين وساعتين على الموظفين المزوغين وعلى السادة المرتشين اسياد الناس ثواني طبعا والراشين بيعيطوا غلابة.
يا عيني بياخدوا حقوق الغير بالباطل, ويعيطوا لدرجة انهم بدأوا يزودوا استثمارتهم في مصانع المناديل الورقية علشان دموعهم اللى من كترها قربت تحل ازمة الري، وزيادة مساحة الرقعة الزراعية الارزية علشان نرجع نصدر تاني الشكوى مفيش قمح ,ومفيش, ومفيش حتى الأرز الأرز اللي كنا بنصدره,
بقى مفيش ده كله لاجل خاطر المزاج ,والدماغ العالية وزراعة البانجو اللي بقى متوفر وارخص من رغيف العيش طبعا من اجل اسعاد المواطن, ودماغه العالية , ده غير انه فيه
ميا ه جوفية مخزونة ,ويجب الحفاظ عليها كثروة قومية من اجل زراعات البانجو لكن الارز ممكن تحل محله المكرونة الي بتصنع من القمح اللي في ازمة يعني ماشاء الله نحل ازمة بمصيبة شوفت الدماغ العالية.
فوق رقبة زرافة فوق تشوف بعيد اللي الناس مش شايفينوا طبعا لكن يا خسارة واضح ان للاسف محتاجة نظارة, ويحيا العدس, و الفول اللي بقى اغلى من اللحمة اللي بقت باتنين جنيه الكيلو والفرخة بنصف جنيه وكيلو السمك بعشرين قرش والبوري ب30 قرش والحياة جميلة والناس بتنتج لدرجة ان من كتر الخير الناس بقى بترتاح في المصايف
وتصرف بزيادة خير بلدنا في خير احنا اغنى من اغنى بلد في العالم متقدمين طبعا تكنولوجيا ,وعندنا قرية ملك الست زكية ربنا يخليها لنا وعندنا مصانع سيارات وطيارات ووكالة فضائية ده غير بقى ايه.. التعليم ماشاء الله كل يوم يتسرب قصدي يتخرج منه براعم فى سن عشر سنين علماء في فنون ضرب الكلة والسرقة وزيادة معدلات الجريمة الخفية,
على غرار الكاميرا الخفية وتباعين على صناديق معدنية فضائية تدعي السرفيس ذات خدمة متطورة في مجال النقل والمواصلات التى تقدمت بشكل ملحوظ في الاونة الاخيرة حتى اصبحت القطارات غير محددة المواعيد مع زيادة معدلات االحوادث من منطلق التغيير والقضاء على الكثافة السكانية .
كل ذلك علامات تطوير العلوم وخاصة علوم وفنون الادمان واليات وخطوات تعاطي المخدرات وزيادة معدلات التدخين مع الاهتمام بالتامين الصحي على المواطنين وخاصة المدخنين اللى اصبحوا اقرب شبها بعربات البطاطا في الطرق لا بجد نهضة
والمواطن ذكي جدا مش فهلوى لا سمح الله لا ذكى يقدر يحل اي مشكلة ولا بيشتكي ولا قرفان ليه بقى لانه زكي وصبور وبيحل المعضلات اما بالنصب واما بالابتزاز واما بتجارة المخدرات واما بانه يلبس طاقية الاقرع لصاحب الشعر ومفيش عندنا حد غلبان
كل المصريين عندهم دش فوق العشة هتلاقي دش ازاي متعرفش مش لاقي ياكل بس بيتفرج على الدش صحيح ان النظافة من الايمان وكل بيت فيه دش بس الغريب انك لما تتحرك تلاق اللي جنبك ريحته معفنة ليه متعرفش ممكن يكون الدش مش بينزل ميه علشان أزمة الميه اللي مش ازمة وعمره ما كانت ولا هتكون ازمة بس اوهام ما كله من البانجوا تهيأت
والكلام ده برضه تهيات مش كده ممكن اللى كاتبوا يكون مدخن سلبي ولا حد حط له كوب ماء معدني مش متعود عليه من كتر ما شرب ميه مصدية مليانة بالخيرات والميكروبات كل ده خير احنا فين هنا في مغارة على بابا دهب الماظ ياقوت احمدك يارب .
هوده واقعنا اللى لازم نواجهه) (