حكايتى انا والربع جنيه

بقلم : احمد هبد الله .. كابتن احمد
وعيد سعيد بفكركم بس بايام زمان والربع جنيه وقيمته الجمده لينا ويسلام
لو خدت اربعه منه تبقى هتطير وتلاقى الواحد زمان يفك عشره جنيه اربع
ويتباهى ويفرق ويفيض منها كمان دلوقتى تفك الالف جنيه تروح وتدى للواد مش
اقل من خمسه جنيه وكمان مش عجبه يبصلك بصه غدر ومن فوق لتحت وكانو بيقلك
دنتا راجل جلده ...؟
ويسلام لو دخلت بيت مليان عيال يبقى نهارك منيل بنيله تلقاهم طلعو ليك زى
ياجوج وماجوج طلعو من كل فج ومن تحت الارض زى المقاريض وهات العديه يا
عمو اهليهم محفظينهم ال وتلاقى ابو العيل ولا امو تقوله عيب يا واد سيبو
عمكو يتسريح ...وبتشاور لباقى عيالها يخرجو عشان عمهم جه وعيد سعيد بقى
هههه
يا سلام لما تلاقى الهجوم وتقعد تحسس على جيبك ومش عارف تعمل ايه وتفكر
مع نفسك فى الاحراج ده ...؟
يا نهار اسود الفلوس لو طلعت هتتفرتك ايه العيال دول كلهم فتروح دابب
ايدك فى جيبك وتسلت حته بعشره واحده وتوقلهم معلش مفيش فكه فكوها مع بعض
وهب تقوم زى الاكس عاوز تخلع من بيت الرعب ده ....ماسوره عيال وانفجرت
....؟
لا وانت ماشى وبتبعد تسمع العيال وهم بيقطعو بعض ع العشره جنيه بس انت
ضربت الظالمين بالظالمين وخرجت من بينهم سالم هههه
زمان كنا بناخد الربع جنيه فى التمنينات وبنفرح وبنرقص لما كبرنا شويه
خدنا الجنيه اربع تربع كبرنا وبقينا ف ثانوى خدنا التلاته جنيه وكان
سعتها فرح ومهرجان
ولما كبرنا اوى بقى خلاص بقينا احنا اللى بندى للعيال مش اقل من عشره
جنيه والعيال البرص مش يرضى باقل من خمسه جنيه خلاص راح زمن الربع
الله يرحمك ياربع جنيه كنت خير سند وخير فرحه لينا فى العيد وكل سنه وانتم بخير
ياترى مين حضر عهد الربع جنيه وخده زمان
منهم لله خرمو الربع جنيه وكمان يقع منك متسمعش صوته كانو بيقولك الحمد
لله انى غورت من وشك فعلا ربع دلوقتى انتيكه ومش محسوس خالص لا هو ولا
الجنيه المعدن منهم لله بقى
كان الفلوس مكتوب عليها سريعا مرش والله يرحم ايام الكفار كانت العديه
صره من الدنانير وتاخد اله هديه
وقول للزمان ارجع يا زمان
كابتن احمد وعيد سعيد