بحلم اشوف فرحه ... شعر و ريشه احمد عبد الله كابتن احمد

احدى رسومات الالوان بالجواش والوان الفحم والباستيل
خليط من الفن والغزل
بحلم أكون فرحه
واسكن قلوب الناس
ازرع قلوبهم فل
تطرح سنابل ماس
ويحوطوع الكل
ويفرو ف الكراس
بعنية شفت الطير
اسراب تطير ف الجو
لايهمهم اعاصير
ولا مطر ولا نو
ميضلموش الليل
وميخفوش م العوو
سارحين ف كف كريم
راجعين قلوبهم دفا
شايلين سنابل حب
مليانه فرح ووفا
حطين ف كل جناح
قلبين من العشاق
وبعطرهم فواح
القلب له ترياق
ورويت كمان سنبلة
ف القلب عطشانة
طرحت بنات م الفل
فرحانة نشوانة
بتميل على العاشقين
قلبى ف هواها يميل
يطلع ف قلب الليل
م الحب لحن جميل
آخدها انا ف حضنى
ترتاح على صدري
وشعرها يهفهف
ويطير يغازلنى
يحضن رموش عيني
يرقص معاه قلبي
واعلن ف كل صباح
حبك دا من حبى
وابوس انا خدها
مع كل نسمة ضى
واموت انا ف حبها
واعلنها لاهل الحى
يجى الندى مكسوف
ويطوف حوالينا
سايب ندايه فوق
تيجي بلهفه وشوق
ترويني افوق واصحي
واشوف ف اول ضوء
لابسالك الطرحه
ولقيتني وسط الدار
بحلم وانا صاحى
رديت بصوت مسموع
بحلم أشوف فرحه