بالفيديو ليه....!!!!! ممكن حد يرد عليا؟

فيديو
ليه
بقلم : احمد عبد الله .. كابتن احمد
فكر بعقلك :
ليه دايما البلطجية بتظهر فى اعتصامات الثوار ؟
العباسية بقالها سنة بيتجمع فيها اراجوزات المجلس و لم نسمع عن حالة اعتداء واحدة ؟
البلطجية ليه منظمين أوى كده و بيعملوا كر و فر بالثانية و كأنهم فرقة كشافة ؟
ليه البلطجية اختفوا كلهم من امام اللجان الانتخابية و لم نسمع عن حالة
اعتداء واحدة حتى على صندوق خشب ، بعكس ايام مبارك ؟
ليه آخر ليلة فى الانتخابات الشعب ظهر البلطجية فجأة فى عبد المنعم رياض
ضد الثوار فقط ؟
كيف ينتقل البلطجية من موقعة محمد محمود ثم الى التحرير ثم الى العباسية
بنفس توقيت الاعلان عن اى اعتصام او مسيرة ؟
هل يمتلك كل بلطجى تويتر او فايس بوك و مبادؤه الثورية العظيمة تدفعه انه
ينزل من نفسه ضد اى مسيرة ننظمها ؟
كيف ينتقل البلطجى من آخر الدنيا فى قريته او عشوائيته الى اكبر ميادين
مصر و بأعداد كبيرة ، انت عارف ان العيّل منهم لما بيكون رايح رمسيس
بيقول ايه ، انا مسافر ، يعنى رمسيس بالنسبة له بلد تانية ، لأنه من عالم
تانى عايش جواه فى حتته فقط ، لأنه اتربى على الخوف من الخروج بره مكانه
عشان مايتاخدش تحرى و الظابط اللى مشغله بيمضيه حضور كل يوم فى القسم
اللى جنبه ، بيمضيه يعنى لازم يعدى الليل يغسل حمام القسم او يبلغ تقرير
على اهل حتته ؟
هل يمتلك البلطجى اى ميول سياسية بحيث انه لا يهاجم إلا النشطاء
السياسيين و الوقفات السياسية ؟
هل يمتلك البلطجى اى طمع فى السلطة مثلا او نازل يدافع عن مرشحه اللى
هيحقق له طموحه السياسي ؟
ليه البلطجى رايح يقتل ، مش اى جريمة لها دوافع للقتل ، ايه الدافع بتاعه ؟
ليه البلطجى مش بيسرق ليه مش بيعاكس بنت مثلا و يمشى ليه مش بيهجم على
لاب توبات النشطاء او يثبتهم فى موبايلاتهم و فلوسهم و يمشى ، ليه رايح
يقتل فقط ؟!!!!!
مفيييييييييييش بلطجى بيقدر يتنفس بدون اذن ظابط المباحث اللى مشغله ، ده
قاعدة و ليس لها استثنااااااااااااء ، هم مربينه على كده ، و أخد سنين
عاشن يتروض و يتعمل له قواضى و تسهيلات للمخدرات بتاعته و برشامه و ارفه
، لدرجة ان فيه منهم بيتعلم على ضهره بوشم معين لتفريق الخطر منهم و
العادى رتب يعنى زى رتب الداخلية ، يعنى فيه عالم تانى موازى للداخلية
اسمه الداخلية المدنية و اتعمل بمعرفة الداخلية ، و عشان كده طنطاوى لم
يمسس الداخلية عشان يعرف يكمل مشوار الثورة المضادة بالمليشيات ده ، و تم
تسليم كل ادارة العيال ده لأمن الدولة و التحريات العسكرية
طيب خد عندك اسئلة جديدة بمناسبة مذبحة العباسية الحالية :
عارف كام كرة نار اترمت على الثوار من اعلى المبانى ، و كم تمن الكرة الواحدة ؟
عارف كام طلقة خرطوش اتضربت على الثوار من امبارح ، و كم ثمن الخرطوش ؟
عارف كام طلقة نار حى اتضربت على الثوار من امبارح ، و كم تمن الطلقة ؟
عارف كام سلاح آلى موجود مع البلطجية و تمن السلاح الواحد ؟
عارف كام مسدس خرطوش من نفس النوع مع البلطجية و تمن المسدس ؟
يااااااااااااه دول بلطجية أغنية أوى ، و بيحبوا مصر لدرجة انهم صرفوا
آلاف الجنيهات على حمايتها من الثوار !!
و كمان بدأوا كرات النار فى توقيت واحد و توقفوا فى نفس التوقيت أيضا
و الأغرب ان الخرطوش اشتغل و الآلى بعده ثم توقفوا فى نفس التوقيت و
شغالين طوب و دبح يدوى دلوقتى عشان النهار طلع و مايصحش يخضوا الناس و
سبحان االله نفس طريقة الدبح تقولش مجزرة آلى !! ، ولاد اصول منظمين فعلا
طيب حد يعرف كلية مدنية بتطلع بلطجية ما يعرفوش يقروا و لا يكتبوا بس
منظمين اوى كده ؟؟
طيب فيه رائد جيش ، بنقول راااااااااائد من الجيش ، يعنى مش صف و لا جندى
و لا امين شرطة ، راااااااااائد من الجيش بلبس مدنى اتمسك من وسط
البلطجية اثناء الكر و الفر بتاعهم و استجوبوه فى الخيمة و اتنشرت صورته
مع المسدس بتاعه 9 مل و اسمه الرباعى و كارنيه الجيش بتاعه و طبعا
الاعلام مفيس حس و لا خبر ، يعنى الضابط ده قلع هدومه و لبس مدنى و انضم
للبلطجية عشان كان مؤمن بأفاكرهم الثورية و حقوق الانسان مثلا !! ام ان
هذا كان تكليف و مأمورية ؟!!!
انت عارف يعنى ايه رائد ؟ يعنى على الاقل قائد كتيبة ، يعنى لو عنده
مأمورية مش بيروح بطوله ينفذها ، يعنى لما بيطلع مأمورية معناها ان تحت
قيادته ملازم و كام صف ظابط و كاااااااام عسكرى ، يعنى الثوار الغلابة
السذج مسكوا قائد سرية لكنهم سابوا السرية كلها وسط البلطجية ( يووه ما
قولنا مفيش بلطجية دول مليشيات ) يعنى كل رائد تحته حوالى 100 فرد مشكل ،
يعنى الرائد ده لو فيه منه 20 واحد تانى فقط معناها ان اللى بيضربوا
الثوار فى العباسية منهم 20 حاصل ضرب 100 يبقى المجموع حسب الافترض يساوى
2000 فرد جيش . طبعا ده ارقام افتراضية و مش معلومة لكنه مثال فقط
للتوضيح ، لو اللى اتمسك ملازم كنا قلنا ماشى و دليل ان عدد افراد الجيش
المشتركة مع البلطجية مش كتير !!! لكنه رااائد
دول مش بلطجية دول مليشيات جنود و عساكر و ضباط و مسجلين مأجورين بمعرفة
المباحث و امن الدولة و التحريات العسكرية و كله بتمويل و تخطيط مجلس
الخونة
اخيرا شاهد هذا الفيديو فبعض الناس يفهمون الحقيقة بأعينهم أسرع
http://www.youtube.com/watch?feature=player_embedded&v=gEFxDQRq-ko#!
ممكن بقى حد يقولى ليه
ابعت لغيرك جايز حد يعرف يرد على االاسئله دى ؟