وجع ......شعر| منال الصناديقى

لما هانوا وشنا برمى الورق
ما حد ثار
لما حطوا ف جتتى طعم المرار
ما حد طمن مهجتى بنور القرار
ولما عينى إنكفت بالإنتظار
ما حد طرطق لى براح الصدق
أو حتى الوطن
ولما قالت روحى لا للإنكسار
وللحاجات المش بترسم
إلا حبات الدمار
فكوا الستار
وقرروا إن الجزا هو الحَلُول
لجز رغبات الحقيقه م السطور
قالوا: (الحماااااار) ينربط وسط الطابور
والكون يمرمغ دمعته عند ال حامول
وأوع اك ف يوم تنطق تقول كلمة و ط ن
أو شىء من هذا الملووووول
(صدق.انتماء) .. حاجات تبور !!!!!!!!!!
هنجز طعم الكون ف قلبك الحَرور
ونلطخ المعنى ف قمة فرحتك (بالانتشاء)
ونقول (هُراء)
ونِشَّهَدْ اللى رايح واللى جاى ع الابتلاء
ونقول سرق منا الوباء
لجلن يدسه م الخلايق
ويجبلنا حبة (نماء)ّ!!!!!!!!!!!!!
وبدون (حَياء) ..
نجيب مصاحف.أناجيل كل الشروق
نحلف عليها بإن روحك مش تمام
بتبيع سواعى الكهرمان
على إنه حبات الرخام
ونشق فيك طعم الحياه
ولما ايديك الساهيه تطلب نجاه
هنقصهم ويا الرجول
ونفنى عمرك ..وانت حى ف كل دور
ونقول مضى.. بإنه ما بيسمع كلام
يقفل عنيه ويا الودان
ولسانه يرحل ف الميدان
ويقول..آميييييييييييييييييييييين
.......................................
يا محرومين من لحظ دوده تنخر العضم المتين
هاتوا الكفن ع الجته قبل ما تنخرق
لموا السنين اللى ما راضيه تنفرق
حطوها اكتر جوا جرحى واكبسوا
يمكن أفوق مرة من طعم (الموات)
واسجن جبينى من سُكات
وارحل بعييييييييييد