رجعيني ... محمود عبدالحميد الحسيني

رجعينى يا ضي عينى و علمي قلبي الثبات
صحي جوايا حنينى رجعي كل اللي فات
يلا من تانى خدينى وامشي ويايا ساعات
لما أسكت كلمينى الحب ما يعرف سكات
نظرة واحدة من عنيكي تحيي جوايا اللي مات
لمسة واحدة من ايديكي تنسى قلبى سنين آهات
رجعينى يا روحي ليكي و رجعي لي عمر فات
عودينى احس بيكي لحظة حلوة وذكريات
رجعينى زى نسمة شوق رقيقة
رجعينى زي ريح طايرة وجريئة
رجعينى للخيال رجعينى للحقيقة
ارجعي لي لحظة واحدة أو دقيقة
لحظة واحدة اعيشها ليكى أغلي من عمري اللي ضاع
همسة واحدة اهمسها ليكى تنسي قلبي سنين ضياع
رجعينى يا حبيبتى و علمينى
ازاى يكون قلبي ف ثبات
دا اللي كان بينك وبينى
لسة مش محتاج سكات
دا انتى وياكى سنيني
بتمر أسرع م الساعات
رجعينى يا حبيبتى رجعينى
كفايا علي قلبي آهااات