لكم دينكم ولى دين

اهداء الى كل اللى لسه بيحب الاستعباد ؟
ارجع ياحسنى وحشتنا!!!؟
ارجع يا حسنى وحشتنا
ارجوك تعالى قرفتنا
احنا اللى بنموت ف العبط
ونموت ف حد يذلنا
ارجوك تعالى ارجوك قوام
ولا نجيلك ف المنام
وتعالى كلم ف المدام
ارجوك غيابك هدنا
ارجع بقى واسرق كمان
خرج بقى كل اللومان
ومعدش من بعدك امان
عاوزين ف حد يمدنا
ارجوك تعالى ابوس ايديك
الناس هنا هتموت عليك
ارجع فلول مشتاقه ليك
ارجوك تعالى وغزنا
ارجع وهبعد ف العيال
ارجع وهات ابنك جمال
اسرق ف مالنا واى مال
ارجوك تعالى وحبنا
ارجع يحسحس للفلول
قوم مد شعبك ع الرجول
مبقاش خلاص لاقين حلول
ارجوك ف عرضك لمنا
ارجوك ف عرضك لمنا
قوم سيب سريرك يلا قوم
وارجع اليه وقت اللزوم
من يوم فراقك مافى نوم
ارجوك تعالى وردنا
الشعب على ايدك يبوس
وادينا حبه من الفلوس
شعبك بقى زى التيوس
قوم دوس علينا يلا دوس
حقك علينا كلنا
وعجبى
شكلنا بنموت ف الاستعباد
لو مش بتحب الاستعباد ابعتها لغيرك
اوعا تكون ضحيه تانى!!!!!؟
لما انت كنت ضحية لإعلام الدولة أثناء ثورة يناير كنت مخدوع، ولما اتخدعت أيام الاستفتاء كنت طيب، ولما ضحكوا عليك وحموا مبارك وعصابة طرة من بطش الناس كنت غير حكيم، ولما فضوا البلد من الأمن ونزلولك المجرمين اللي كلنا شفناهم بيؤجروهم في الانتخابات ولزقوها في الثورة كنت ساذج، ولما ضحكوا عليك في أحداث سفارة إسرائيل ثم ماسبيرو كنت إنسان إشتغالة، إنما لما تشوف بعينيك سيناريو التحرير من أول ما ضربوا 200مصاب بيحتجوا على جنب لحد ما بقى فيه ناس بيتقتلوا ويتسحلوا ويترموا في الزبالة وتقوللي انك مصدق الروايات الرسمية.. تبقى انت اتغيرت فعلا وبقيت إنسان شرير.
دماء البشر وكرامتهم فوق أي بورصة وقبل أي برلمان. فالحل بس تغمض عينيك من بشاعة اللي حصل مع القذافي ولما تشوف امتهان ابن بلدك بعينيك تنحاز للجانب الظالم! ده انت عيان بقى بحب الجلادين!!! ربنا ينور بصيرتك ويشفيك من بذرة الظلم قبل ما تنتشر جواك وتدمرك اتخلص من استعباد غيرك ليك وخلى ربنا بس المعبود