محاكمه نظام

بسم المصرى الحر العربى فى كل مكان
باسم الشعب وثوار كل شعوب احرار
باسم شعوبنا وجرح قلوبنا ودمع حزين
لساه ساكن جوه عيوننا سنين وسنين
باسم الثوره على الطغيان
وكفاح كان مشروع لشعوب
داقوا بايد حكامهم ذل الاستعمار
بعلن من التحرير للدنيا
اننا شعب طالع له نهار
جزء فى جسم بلاد عروبتنا
قلب ونابض حلمه يحقق الاستقرار
حلمه تلاقى شعوبنا حياتها ليل ونهار
هفضل ثاير شايل شعلة نور من نار
قايد شمعة تبدد ظلم وكل ضلام
هفضل اضحى بدمى ودم ولادى مرار
مش هستسلم الا ما نبقى بلاد احرار
طال الظلم وفرعون ما اتعلمش دروس الدين
مات له ضميره ولا كان يوم على الشعب امين
ضيع كل امالنا وبدد عمرنا كله باحلى سنين
شخنا وشاخ الحلم وضعنا فى غمضه عين
قام اولادنا فى كل بلادنا وقالوا حرام
يستعبدنا الفرعون واحنا ولاد احرار
قامت ثورة فى كل بلادنا بايد ثوار
تونس مصر وليبا وسوريه ولسه كتار
فى بلاد كل بلادنا يقوموا كما الثوار
عشت يا عربى يا حر يا اكرم خلق الله
ياللى رسولك كان من اصلك عربى كريم
حاكموا الظلم وخلوه يرحل اوعوا يعود
تانى الظلم ويوم يحكمنا فى يوم فرعون
Photo 3
حاكموا الظالم والظالمين فى بلادنا كتير
فاردين ريشهم مش فاهمين اننا قادرين
يوم نحاكمهم او هنعيش دايما خايفين
جه الدور ويعيشوا فى خوفهم ليل ونهار
لما شعوبنا من النوم صحيت ريشهم طار
عاش الشعب العربى الحر كريم مختار
كل ملك ورئيس بارادته مش بالنار
عاشت وحده شعب عروبتى وعشت يا عربى
فى ارضك تبقى كريم فى الدار
عشت يا زاحف لفلسطين
عشت ياقدسى يا دنيا ودين
عشت يا اول قبله ومصلى
لرسول ربنا للعالمين
امة يا رب تعود لها وحده
تعز العربى تخليه قوه
فى دنيا ما تعرف الا القوه
وطهر كل قلوبنا يا ربى
خلينا خير لرساله الامه
تلمس قلب البنى ادمين
فى كل مكان
امين