تكدس الآلاف أمام السجل المدني في الأسماعيلية

لاستخراج شهادات المواليد..

شهد مكتب السجل المدني الرئيسي بالاسماعيلية منذ صباح اليوم الإثنين، تزاحمًا وتكدسًا من المواطنين الراغبين في استخراج شهادات الميلاد الالكترونية تمهيدا لتقديمها ضمن الاوراق المطلوبة لاضافة المواليد الى بطاقات التموين .
ولاكثر من 500 متر ، وخاصة مع ارتفاع درجات الحرارة وقبل السادسة من صباح اليوم كانت الطوابير اصطفت امام مقر السجل المدني الكائن بمنطقة الموقف الجديد بالاسماعيلية ،ما تسبب في حالة من الاستياء بين المواطنين الذين ظلوا بالساعات الطويلة تحت لهيب الشمس دون ان يتمكنوا من الوصول داخل المبنى.
وقال سلامة سالم 62 سنة من مركز فايد بالاسماعيلية "يرضي مين اللي احنا فيه ده .احنا ناس كبيرة ومش قادرين على التعب ده انا واقف من الساعة 6 والشمس وجعت دماغي والدنيا زحمة موت .وكل ده عشان ايه ازازة زيت وكيس سكر والله حرام اللي بيحصل فينا ده ".
وقال محمد علي ابراهيم 63 سنة من سرابيوم مركز فايد بالاسماعيلية "انا هنا من الساعة 5 ونصف الفجر عشان الحق اخد مكان في الطابور وفوجئت لما وصلت ان في اكتر من 200 واحد موجودين وحتى الساعة التاسعة لم يكن الموظفين قد بدأوا عملهم والاعداد زادت وصل عددهم قبل التاسعة لاكثر من 2000 مواطن واغلبهم من النساء والشيوخ "
واضاف محمد سليمان 54 سنة من ابوصوير " ايه المهانة اللي احنا فيها .انا بقالي يومين هنا عشان اطلع للعيال شهادات الميلاد بالكمبوتر ومش عارف .والدنيا زحام واحنا هنموت من الشمس و الحر والعطش ومحدش سأل فينا ".وقال سيد اسماعيل من مركز فاقوس بالشرقية "الدنيا زحمة عندنا في الشرقية اكتر من هنا 3 مرات عشان كده جيت احاول هنا اطلع شهادات ميلاد لاحفادي بس انا مش عارف ".
وقال جمعة سليمان من بئر العبد –سيناء 61 سنة "انا هنا بقالي 3 ايام اجي وارجع من غير ما اعمل حاجة من الزحام "ووافقته الرأي هويدا لاشين 51 سنة من الكيلو 17 بالاسماعيلية واضافت "بقالي 15 يوم دايخة من السجل المدني في القنطرة غرب للسجل المدني في نفيشة وكل ما اروح مكان يقولوا لي الكمبيوتر متعطل .ده بقه اسمه ايه .وليه مفيش اكتر من مكان عشان نطلع منه الشهادات ويسهلوا علينا وعليهم".