دقيقة من موبايلك.. تسعد أسرة شهيد

دشنت حركة 6 أبريل مبادرة تحت عنوان «هنعيد علي أهالي شهدائنا» وقامت بتوزيع منشور يحوي عبارات تحث علي التهنئة لأهالي الشهداء،
مع أسماء وأرقام هواتف عدد من الأسر بهدف خلق حالة من التواصل معهم والاعتراف بفضل هؤلاء الشهداء في نجاح الثورة المصرية، وجاء في المنشور الذي قامت الحركة بتوزيعه.. عيد الفطر .. جه علينا.. أول عيد بعد الثورة وكل سنة وأنتم طيبين لكن واحنا بنعيد.. لازم نفتكر كويس قوي.. شهداء مصر.. شهداء الثورة يا تري كام أم مش هتلاقي ابنها في وقت العيد تصحيه لصلاة العيد؟ يا تري كام أخ مش هيلاقي أخوه يهنيه بالعيد؟
وكام طفل وكام زوجة اتحرموا - بسبب مبارك ومجرميه.. من أب شهيد.. كان هيدخل عليهم الفرحة في يوم العيد؟! أقل حاجة مطلوبة منك هي كلمة حلوة.. حاجة خير ومساهمة منك تدعمهم إحنا هنتصل بيهم.. هنبعت لهم رسائل SMS هنكلمهم، اتصل برقم أو ابعتلهم، قلهم كل سنة وأنتم طيبين قلهم واسألهم إذا كانوا محتاجين أي حاجة؟
قلهم واطلب منهم يدعو لنا.. وقلهم قد ايه أننا جنبهم في أي شيء يطلبوه قلهم أن حق أولادهم مش هنسيبه.. قلهم أن دم الشهداء عمره ما يضيع هدر وأن اللي مات علشانه الشهداء.. مصر حرة كريمة.. هيتحقق قريب بإذن الله مهما حصل.