رؤى

توشيبا العربى من تانى

قبل فترة تناولت هنا إهمال قسم الصيانة فى شركات الحاج مصطفى العربى، وأيامها قلت بالحرف إنني أحترم هذا الرجل العصامى الذى أفنى عمره فى بناء هذه المؤسسة، وللحق مازلت على احترامي وتقديري له، وقلت كذلك:
يبدو أن الحاج مصطفى قد كبر فى السن ولم يعد يتابع جيدا صرحه الصناعى، وأن من يتولون الإدارة ليسوا على نفس القدر من المسئولية، وأنهم لا يؤمنون بخدمة ما بعد البيع، فهم يبيعون السلعة وعلى المشترى أن يبحث عن مركز صيانة، ويومها اتصلوا بى وتشرفت بمقابلة بعض مديرى الشركة، ونصحتهم بأن يهتموا بخدمة ما بعد البيع، لكن يبدو أنهم مازالوا على إهمالهم، أو أن هناك من يتعمد تقويض الصرح الصناعى الذي أقامه الحاج مصطفى العربى أطال الله عمره ومتعه بالصحة، صباح أمس تلقيت هذه الشكوى من المواطن حسن إسماعيل، سبق ورفعها لرئيس مجلس إدارة الشركة، وبصراحة دمى فار وضغطى ارتفع»:
«إلى رئيس مجلس إدارة شركة توشيبا العربي .. أقدم لسيادتك هذه الشكوى، وأرجو من سيادتك الاهتمام، أنا عندي سخان توشيبا 55 لتراً، اتصلت يوم الأربعاء1/4/2015، وقدمت شكوي وقالوا لي: انهم هيتصلوا بي، وفي شخص اتصل بي يوم الخميس 2/4/2015 من هذا الرقم 01111592746 وراجع معايا العنوان، واتفق ان في حد هيجي لي يوم السبت، أخدت إجازة من الشغل واتصلت بهذا الرقم يوم السبت وقال لي في حد هيجي لي، واتصل بي حد الساعة 6 مساء من الرقم ده 01145502713 وقال لي الغسالة اللي عندك ايه المشكلة فيها؟، قلت ليه: هو سخان مش غسالة، قال لي: هاجي ليك يوم الأحد، قلت ليه: حاضر، وحوالي الساعة 10 مساء اتصلت بي مدام ماجدة 01110500898 وقالت لي: حد جه ليك صلح السخان، قلت لها: لا، قالت خد رقمه وكلمه وهيجي ليك بكرة الساعه 11 صباحا، أخدت إجازة واتصلت به الصبح علي الرقم 01145502713 وقال لي: مش أنا اللي هاجي، واتصلت بي مدام ماجدة على رقم 01110500898 رد واحد وقالي لي: محدش موجود، بعدها اتصلت تاني ادوني رقم السكرتارية 01145502712 كلمتها ومردتش، اتصلت تاني ادوني رقم المدير 01145502711 كلمته أكثر من مرة ووعدنى ان في حد جاي واداني رقم 01145502713 قال هو ده كلمه واتفق معاه، كلمته أكثر من مرة ومردش، ويوم 6/4/2015 جالي حد وهو بيغير السخان مكنش عارف ده كم لتر ولا الهيتر بيتاعه فيه كم مسمار، وكان بيسألني أنا، المهم غير الهيتر وقالي: شغله بعد يومين، سمعت الكلام وشغلته بعد يومين، لقيت السخان بيسرب مياه من النص، كلمت الشركة تاني وقدمت شكوي يوم الجمعة 10/4/2015 وكلمتنى أستاذة يوم السبت وقالت لي: هنبعت حد ياخده، في الأول مكنتش راضي وشرحت ليه ان ده عيب من الفني أكيد قفل السخان غلط، هي مصممة فوافقت وجه حد يوم 14/4/2015 وجبت سباك عشان يفك السخان عشان الفني قالي ده مش شغلي، ومنذ هذا اليوم معرفش عن السخان حاجة، ورحت يوم 4/5/2015 العباسية، وكنت عاوز أقابل حضرتك(يقصد رئيس مجلس إدارة الشركة) بس محدش راضي، ونزل ليا المهندس أسامة موسي مسئول المنطقة ووعدني انه هيعرف السخان أخباره إيه، وكلمته اليوم التالى وقال لي: لسه معرفش أخبار من المصنع».
هذا نص رسالة المواطن حسن إسماعيل التى أرسلها لى يستغيث، ونفسه يعرف السخان بتاعه أخباره إيه.