حضروا العفاريت

باختصار كدا كيف تحضر العفاريت والجن وتستعين بهم فى بعض الأمور أو ينفذون لك طلباتك المستحيلة؟ أولا تجيب بيضة مسلوقة وتكون باردة تحطها فى كباية مياه وتضع فى المياه زعتر وتتركها 5 أيام وبعدين تاخد الكباية ولازم يكون البيت عندك فاضى أو يستحسن ان المنطقة تكون هادية يعنى احسن وقت يكون الفجر علشان الناس بتكون نايمة وتكون لوحدك فى البيت
وبعدين تجيب بخور من عند العطار وتجيب معاه حاجة اسمها عين العفريت دا بخور بردو بس اسمه كدا تبخر البيت كله وبعدين تدخل التواليت تروح مطلع البيضة مقشرها وتسيبها فى اى ركن من أركان التواليت والمياه اللى فيها زعتر ترش بيها فى التواليت على الأرض وبعدين تولع شمعة على باب التواليت وتطفى النور كله وتدخل التواليت وتاخد نفس طويل بس اعمل حسابك اهم حاجة انك متخفش علشان لو خفت الجن أو الخادم اللى هيطلعلك ممكن يأذيك لو انت خايف منه و تاخد نفس طول و تقول بصوت عالى «هاه» تستنه بتاع 4 ثوانى كده وتقول «هاه» بصوت اعلى و بعدين تقول «هاه» تانى هتلاقى الباب بيخبط متبصش فى اى اتجاه تانى ولا تخرج علشان فى الحالة دى الخادم ممكن يطلعلك يأذيك لا قدر الله تقول «هاه» تانى هتلاقى الباب بيخبط تانى بس المرة دى اجمد استمر او بعدين هتلاقى الباب اتكسر وناس «يامه» دخلوا عليك و يقولولك احترم نفسك شوية بأه عايزين ننام.
هو ده بالضبط اللى عاوزين يعملوه الجماعة بتوع 6 ابريل ومعاهم شوية المقاطيع والاخوان الارهابيين اللى عاوزين يحضروا عفريت 25 يناير النهارده علشان يحققوا مطالبهم فى فوضى وبزرميت على أرض مصر المحروسة علشان ينهبوا كل حاجة وعلشان يحللوا القرشين ناس عاوزين يسقطوا الدولة تماما ويعيشونا فى فوضي تنتهى بنا الى حيث انتهى الامر فى اليمن مثلا ونبص منلاقيش دولة ولا حكومة ولا نظام ولا جيش ولا شرطة والناس تاكل بعضها وتعم الفوضى والنهب والسلب والدمار ويموت الملايين من الغلابة تحت الاقدام وتنتهى مصر ليبقى البوم والغربان تنعق على ارضها فى انتظار السلطانية التركية و«أردوغان» لابس السلطانية ومصر ولاية عثمانية افندوم ومتقسمة أو متقطعة وحرب اهلية وكل الدنيا تتفرج على الخيبة القوية.
«انسوا.. يا» خلاص في هنا جيش مصر وفى هنا اهل مصر اللى عاوزين يعيشوا ويتعلموا ويشتغلوا ويتعالجوا فى شعب قوامه 90 «مليون» حيقول للاغبياء والمأجورين والنشطاء المزعومين احترموا نفسكم بقى عاوزين ننام فى امان وعاوزين نشتغل بقى وننهض ببلدنا ونلحق اللى فاتنا عاوزين مصر يبقى فيها معدل نمو 7% على الاقل علشان نلاقى شغل لأولادنا وعلشان نعيش زى الناس يا عالم هو تغيير ولا تدمير اذا كان على التغيير خلاص غيرنا وخلصنا من مبارك ومن الاخوان فى ضربة واحدة واليوم فى أمل جديد وخارطة طريق تستكمل وهناك مؤتمر اقتصادى مرتقب فى شرم الشيخ ستبدأ مصر منه أولى خطوات الامل نحو اقتصاد قوى وهناك قانون استثمار موحد يجرى اعداده قال عنه «محلب» انه سيكون الافضل فى العالم وفعلا سيكون كذلك لاننا أخذنا آخر ما وصل اليه العالم من نجاح فى جذب الاستثمار وسوف يكون لدى شبابنا فرص عمل أفضل وسوف تعود السياحة وتمتلئ فنادق مصر التى قاربت على أن تكون أطلالا وسوف تعود الحياة الى شواطئ شرم الشيخ والغردقة و«مرسي» علم وتعود مطارات الاقصر وأسوان والغردقة تعج بالحركة خلاص لم نعد نخشي شيئا وأى حد اهبل عاوز يحضر عفاريت ويحاول يرجع 25 يناير ويتشدق بعبارات كاذبة مكملين والثورة مستمرة والهرتلة دى الشعب هو اللى حيديله بالجزمة ويقول له احترم نفسك بقى وبطل هبل ثورة ايه اللى عاوز ترجعها وعاوز تحييها ما خلاص كل شيجن انكشفن وبان وخلاص عرفنا الفولة وعرفنا من ضحك على من وخلاص بقى عندنا رئيس منتخب يتمتع بشعبية جارفة ويجوب الدنيا بحثا عن فرص افضل ومستقبل اكثر اشراقا لشباب مصر ويقول ليل نهار ان شباب مصر هو الامل وانه لا بد من منحهم الفرصة ولدينا رئيس يؤكد ليل نهار انه اكثر الناس حرصا على حقوق الانسان ولكن هل حقوق الانسان هى التظاهر فقط ايه التظاهر ولماذا تقيمون الدنيا ولا تقعدوها بشأن قانون تنظيم التظاهر يا سيدى كل الدنيا فيها قانون تنظيم التظاهر ولا يمكن ان يكون الامر هكذا كل واحد يعمل اللى هو عاوزه ويتظاهر فى المكان اللى يعجبه وفى الوقت اللى يريحه ويقطع الطريق ويحرق وينهب ويعطل مصالح الناس لا يا س يدى في نظام ولتذهب حقوق الانسان الى الجحيم اذا كانت هى الفوضى وتظاهر فقط حقوق الانسان ان يعيش اولا فليس هناك حق مقدم على حق الحياة باختصار عاوزين نعيش عاوزين ننام يا ابنى انت وهو سيبك من فكرة تحضير العفاريت دى هبل فى هبل،
فكرة للتأمل.
هو تغيير ولا تدمير الرئيس «السيسي».