عيون تدمع وقلوب تنزف

شباب خُضر الأعمار. ممشوقو القوام.. قلوبهم سكر نبات.. يتطلعون إلى مستقبل.. ويرعون ذويهم.. ولكن نقول قدر.. ماشى ولكن!!!. ربنا قال اسعى يا عبدوأنا أسعى معاك.. والإهمال والتراخى سمة المصايب والأهوال ومصر تعيش منذ ستين عاماً حالة من العشوائية واللامبالاة.. والضحك على المصريين بالأمانى والأغانى.
الدمع فى العين. والدم طلع نزل دم غزال راح فدا وطن وأرض وعرض كمان. لكن عندنا حزن وألم ودمع ونزيف قلوب من إهمال وغياب الجدية والخطط والتوقعات.
دولة حماس خونة وموتوا أولادنا وخربوا اقتصادنا وعمالين نطبطب عليهم، الوقت بنقول نقفل ونعمل جسور وحواجز ونهد ونحدد مسافات. كان لازم ده من زمان ولكن كان رفضهم الانتقال واضح أنه فيه مصالح تهريب وأموال وتجارة سلاح وعبور خونة ليجعلوا دماء أولادنا بحور على رمل سينا.
دم أولادنا حطم القلوب.. دم ولادنا لون الدنيا سوداء، والعيون تدمع ليل نهار مع الشمس ومع القمر ساعة الشروق وساعة الغروب.. والليل بطوله يغطى السما والكون والقمر بقى لونه أسود.. بقعة حزن على رؤوس الأشهاد.
النظام القديم بشقيه الحرامى والإجرامى. الوطنى والدينى.. مش حيرحمونا ويرحلوا عنا؟ عايز إيه يا جنزورى؟ عايز إيه يا أحمد عز؟! يا وش المصايب. الفلوس اللى سرقتها معاك ومشيت وأدى انت قاعد فى بيتك وكأنك برىء!!.. أصل بلدنا بلد فوضى ومجاملات والحرامى فيها محترم.. والشريف بياكل بالجزمة!!.. انتم الاثنين عوامل رئيسية فى الفساد وعايشتوه ودعمتوا الفساد صمتاً ومشاركة وتربحاً واحتكاراً.
انتم شركاء لكل ما حدث فى مصر منذ عقود.. كفاية اعطى فرصة. الشعب الغلبان عايز يشم نفسه شوية.. مات من الجوع والحرمان والجهل والمرض والعشوائيات ضربت المبادئ وأصبح الحابل والنابل فوق بعض.
أتمنى أقوم من النوم فى يوم أفرح بقرار سياسى وهو العزل السياسى الواضح الشامل لكل الفاسدين من النظامين الحرامية والمجرمين.. مع إلغاء أحزابهم جميعاً نور وظلمة وخلافه والمسميات المستترة للوطن الخبيث والدينى المستهبل اختفوا جميعاً وتمتعوا بما نهبتوه من فلوسنا ارحمونا والبسوا البيجامات الشتوى لأن البرد على الأبواب.
جابر عصفور، وزير ثقافة مصر. راجل جرىء ومحترم.. رفض المنصب فى عز جبروتهم.. رفع صوته عالياً بأنه لا وصاية على الإبداع.. حتى ولو من الأزهر.. الذى يجب أن يتفرغ ويشوف شغله ويمنع فتاوى الإرهاب وينظم ويطهر أجهزته ودور تعليمه ومشيخته من المتطرفين بالفعل والحرمان من الحقوق كل الحقوق.. ويجب أن يتجدد فى الحوار واللقاءات ويجدد الخطاب الدينى.
حماية المستهلك.. المفروض يكون اسمها غير كده لأنها إدارات وموظفون وكرافتات وبنطلونات متحركة بدون فاعلية.. أين أنتم؟!.. أخبار الرواتب والحوافز وبدل الانتقال إيه؟! يا عالم التجار بيدبحوا الشعب المفلس الغلبان أمام أعينكم وأنتم والعياذ بالله مطنشين. والله هناك ريحة بيزنس بين الأجهزة الرقابية والتموينية ولأنه مش ممكن للحكومة تكون ضد الشعب وتقف مع التجار وحرامية قوت الناس الغلابة. فاكرين «سيد بيه يا سيد بيه.. كيلو اللحمة بقى بجنيه» فاكرين ربنا يرحمنا جميعاً منكم يا قادر يا كريم بوباء الأبيولا.
المنسق العام لحزب الوفد