احتجاجا على صعوبه الامتحانات

طلاب يدعون لتنظيم وقفة أمام وزارة التعليم

قام عدد من طلاب الثانوية العامة, وأولياء الأمور بمنطقة إمبابة، بتوزيع منشورات بعنوان "طالب ثانوي مظلوم" يدعون فيها إلى تنظيم وقفة احتجاجية أمام وزارة التربية والتعليم، عقب الانتهاء من الامتحانات احتجاجًا على صعوبتها.
قال المنشور: "فاكر لما كان الجدول إننا نأخد كل الكتب والكشاكيل في شنطة نشيلها على ضهرنا لغاية ما ينقسم نصين وإحنا لسة عيال عندنا ستة سنين، طيب فاكر لما المدرسين كانوا بيقولوا اللي مش هيأخد درس خصوصي ملهوش أعمال سنة مع إن أهالينا طلع عين أبوهم علشان يعرفوا يدخلونا مدارس ونتعلم".
وتابعوا: "لو سكتنا على كل ده وقلنا عادي برده هانسكت على اللي حصل وبيحصل فينا وإحنا في ثانوي عام اللي هي تحديد مصير, تسريب امتحانات اللي بتخلي طالب فاشل يقفل المادة وياخد مكان ميستحقهوش من غير تعب ولا مذاكره ولا سهر وأنت يدوب تنجح ولا التوتر والضغط النفسي اللي بتتعرض ليه داخل اللجنة".
كما نادوا بعدد من المطالب منها : "تغير منظومة التعليم الفاشلة وتعديل الكتب والمناهج المدرسية بحيث يقدر الطالب يذاكر منها من غير دروس خصوصية ولا كتب خارجية والإشراف على المدارس والمدرسين والتأكد من إن الطلبة بتتعلم بجد مش مجرد حضور وانصراف ووضع الامتحان في مستوى الطالب المتوسط والإحساس بأولياء الأمور الغلابة والمساواة بين المدارس الحكومية والمدارس الخاصة, والقضاء على المحسوبيى والوساطى في جميع التعاملات داخل وخارج المنظومة التعليمية, وتقليل التنسيق وجعل الجامعات باختبار قدرات".