شواكيش

انتهى الدرس يا مرسى!

الرئيس «مرسى» أقسم القسم الجمهوري ثلاث مرات
- علشان كده الشعب المصرى عايز «يخلعه» بالتلاتة!
هتاف الثوار فى ميادين الحرائر
- نزل رأسك تحت.. أنت مرسى!
الرئيس يسابق الزمن لاحتواء انتفاضة الشعب
- فات الميعاد يا مرسى!
عربة الرئاسة تسير فى «الاتجاه المعاكس»
- .. واللى يحب الإخوان يُزق!
بمناسبة مرور عام على رئاسة «مرسى».
- الشعب بيقولك: اررررحل.. سنة كئيبة يا مرسى!
مبارك «المخلوع» يواسى «مرسى» المخدوع
- نحن السابقون وأنتم اللاحقون.. وحدووووه!
الرئيس «مرسى» ناقصله كام خطاب ويتنحى؟
- مظنش.. بحه بحه!
مسرحية هزلية فى الشارع الإخوانى؟
- مرسى يتحدى شعبه!
الرئيس مرسى: إحنا غير قابلين للانضغاط.
- أنتم الأهل والعشيرة.. آآآه يا أخونته!
شعار الإخوان فى الانتخابات «نحمل الخير لمصر».
- ودلوقتى «نحمل الخيبة لمصر»!
الإخوان كاذبون.
- كدب فى كدب.. مفيش «نعر»!
فى المحطة الرئاسية الأخيرة الشعب هيقول إيه؟
- باااى باااى يا ريس «مرسى»!
أطول فيلم إخوانى فى سينما النهضة
- فليم «365 يوم تعاسة»!!
وأحدث فيلم.
- إنى راااااحل!
الشعب يريد إسقاط الرئيس
- أصله على «كف الشعب»!
تهديدات «مرسى» لمعارضيه «بروباجندا».
- صدقوووه.. دى برضه من إنجازاته!
الملك مينا وحد القطرين.. والرئيس «مرسى» فرقنا لشعبين
- أصله بيطبق نظرية العمة «باترسون»!
الإعلامى خيرى رمضان: أين إنجازات الرئيس مرسى؟
- لوكنت ناسى يا صديقى أفكرك «دونت ميكس»!
السفيرة الأمريكية تدعم «مرسى»
- أصلها متعودة داااايماً!
مصر على شفا حرب أهلية
- علشان «يطبل» الرئيس و«يرقص» أهله وعشيرته!
الإعلامى الساخر باسم يوسف ل «مرسى»: «شعبيتك حمرااا».
- أحمرررر من كده!
الشعب عايز يقول إيه للرئيس مرسى فى نهاية الرحلة الرئاسية؟
- انتهى الدرس يا «مرسى»!
شوفت آخر إعلان على بوابة القصر الجمهورى
- أيوووه شوفته «مطلوب رئيس خالى من الأخونة»!