شواكيش

هاتوووله رئيس

النظام يواصل غباءه السياسى.
- متزعلش.. أصله نظام «غبى منه فيه»!!
أول رئيس منتخب «مرعوب» من شعبه.
- متستغربش.. أصله جااااى بصندوق «إستبن»!!
الشعب ينتظر 30 يونية على أحر من الجمر.
- وطبعاً الثوار هيهتفوا: «بنار الفرن يا ثورة»!!
يا ترى الإخوان هيّصيفوا فين بعد 30 يونية؟
- أكيد فى منتجع «وادى النطرون»!!
أغنية يرددها الرئيس «الإستبن» فى القصر الرئاسى.
- مفيش غيرها «غلطة وندمان عليها»!!
الرئيس «مرسى» مع «تجرد» ولا «تمرد»
- لأه.. دا مع «تشرد» وأهله وعشيرته!!
الإعلامى يسرى فوده: على أى كوكب يعيش رئيس مصر؟
- أكيد على كوكب «زُحل المقطم»!!
الرئيس «مرسى» بيدير عزبة مصر منين؟!
- طبعاً من «بيت الطاعة الإخوانى»!!
كلمة توجهها إلى الجماعة بمناسبة مرور عام على حكم الإخوان.
- يا جماعة بكت من أخونتها الأمم!!
تفتكر مين الفارس دلوقتى فى الملعب الرئاسى.
- مفيش غيره.. « فارس بنى خيبان «!!
«مرسى»: جميع المصريين «أهلى وعشيرتى»
- الكلام ده من القلب ولا من المرشد!!
فيه إيه يا شعب؟
- فيه رئيس راااايح – مش جااااااى!!
إيه الفرق بين حملة «تمرد» و«تجرد»
- الأولى تعنى: ارحل وانزاح.. والثانية تعنى: البس فى الحيط!!
البلد اليومين دول فى حالة «ثورة قيصرية»
- لأه.. دى فى حالة « مخاض إخوانى»!
كهربة أسوار القصر الرئاسى استعداداً لانتفاضة 30 يونية.
- هاااا.. هاااا.. الكهربا كده كده مقطوعة!!
الفنان خالد النبوى ل «مرسى»: لا تكن رئيساً فى بلد فاشل.
- يا فااااشل.. يا فااااشل!!
بعد أزمة «سد النهضة» الشعب هيقول إيه ل «مرسى».
- هيقوله عطشاً: «السد البح أمبوووو»!!
الداخلية ترفض تأمين مقر الإرشاد وقصر الاتحادية قبل 30 يونية.
- صحيح اللى اتلسع من «شربة الثورة» ينفخ فى «زبادى الإخوان»!!
الرئيس «مرسى» هيعملنا مفاجأة قبل 30 يونية.
- مش بعيد هيعلن قرار التنحى.. والله الموفق والمستعان!!
أم الدنيا يا مصر.
- بس من غير «الخرفان»!!
الخرباوى: 30 يونية سقوط التنظيم الدولى للإخوان.
- من بُقك لمكتب الإرشاد!!
مؤسس حملة «تمرد»: مصر مفيهاش رئيس.
- متزعلهوش.. هاتووووله رئيس!!
آخر دعاء على «مرسى» قبل انتفاضة 30 يونية.
- أدعى عليك ب «إيه» وأنت فيك كل العبر!!