موتوا بغيظكم

عقد مجلس برلمان المصطبة جلسة تاريخية لتشكيل هيئة مكتب المجلس الجديد
شيخ المجلس: حضرات الأعضاء تعلموا جميعا أننا لم نجامل أي مسئول كبير أو صغير طوال السنوات الخميس وعشرين الماضية لأننا نشأنا علي مبادئ حزب يحرص علي مصلحة الوطن لا يخاف من رئيس ولا خفير لأن المجلس كان تحت قيادة زعيم الوفد المرحوم فؤاد سراج الدين وذراعة الإعلامي المرحوم مصطفي شردي واليوم وقد تحررت مصر من سلطان القهر والاستباد علي يد ثورة ناصعة البياض فقد تقرر شطب لقب رئيس المجلس واختيار لقب شيخ المجلس بإجماع الاعضاء ولنبدأ الجلسة.
العضو الفلفوس : حضرات الأخوة الأعضاء قلنا مائة مرة ومازلنا نقول وستطل نقول لن تركع مصر أبدا تحت أي ظرف أو مؤامرات تلو بعضها لأن مصر محروسة برعاية الله وحفظه فكيف تركع مصر أو تنهار والله سبحانه وتعالي حافظها وماقاله النبي محمد وما ينطق عن الهوي إنما هو وحي من الله أن شعبها في رباط إلي يوم الدين يعني إحنا والنصاري في رباط إلي يوم الدين ولن يستطيع كائن من كان أن يفك الرباط وما يحدث اليوم وغدا ما هو إلا اختيار من الله وكيف ينفك هذا الرباط ونبي الإسلام تزوج من قبطية مصرية يعني أصبحنانسا يب وقبلة وجده إبراهيم تزوج هاجر المصرية وأنجب منها أبو العرب إسماعيل فلا تتعبوا حالكم ووفروا فلوسكم.
العضو النمرودة: أنا والله مستغرب من الناس اللي منحها شمال وعاوزين يغيروا الكون لحسابهم وعاوز واحد يطلع ويقول سبب واحد علشان أحارب بيه معاه ضد واحد اتولدت معاه في بلد واحدة ورحنا مع بعض المدرسة وبنتكلم لغة واحدة وبنسهر مع بعض ونشتغل مع بعض وبنأكل مع بعض وبنروح فسح مع بعض كل ده طول عمرنا يبقي إزاي أقوم أقاطعه وأحاربه وأقتله أو يقتلني والله ده شيء عجيب طيب فين الآية اللي بتقول » ومن شاء فليومن ومن شاء فليكفر« صدق الله العظيم يعني كل واحد حر حسن عبد عند التاني وفين ولكم دينكم ولي دين وفين وفين ياعالم خافوا ربنا ومنكم لله.
العضو زعيط : فيه حاجة تانية كمان لما نبي من أنبياء الله وهو يوسف يقول لأهله وهم يهود »ادخلو مصر إن شاء الله آمنين« يعني جاب الكلام ده من عنده طبعا لأ فكلام الأنياء وحي من عند الله.
العضو معيط: ياجماعة الشر نقبكم علي فشوش لأن مصر أرض مبروكة ومحفوظة بقدرة ربنا ولا تتعبوا حالكم لإنها ملاذ الأنبياء وكفاية إن ستنا مريم أم عيسي هربت لمصر علشان تحمي المسيح من الغدارين طيب ليه مارحتش سوريا أو لبنان أو السعودية أو العراق وكلها قريبة للقدس وجث مصر هاربة لإن ربنا أوحي لها بكده علشان مصر اسمها المحروسة برعاية ربنا فلا تتعبوا حالكم.
العضو نطاط الحيط: علي كل حال ياجماعة زي ما قلنا مصر المحروسة اللي رسول الإسلام تزوج منها وأنجب الولد وهاجر أم العرب مصرية مسيحية وغيرهم وغيرهم فده معناه إن مصر بلد تحرسها عين الله فمها يعملوا لن ينالوا منها أما حكاية الفتنة الطائفية ومسلم ومسيحي فده كله كلام هجص في هجص ده رأيي لأني مستند إلي ما جاء به كتاب الله من اننا شعب واحد فينا الخير وفينا الشر.
شيخ المجلس: لقد قلنا ومازلنا نقول ونردد ونتمسك بما جاء به كتابنا القرآن وما جاء به الإنجيل اننا إخوة نعيش علي تراب و احد ونأكل في صحن واحد ونقول لهم موتوا بغيظكم فلن نفترق.
الفلاح الفصيح
عثمان أبو زيد