حسام حبيب: حاولت أحافظ على سمعة شيرين وهرُد عليها بالقانون

جاءت الفنانة شيرين عبد الوهاب، باعترافات جريئة وواضحة مع الإعلامية لميس الحديدي في برنامج "كلمة أخيرة"، عن كل ماحدث بينها وبين طليقها حسام حبيب، والتي تضمنت اعترافات عكسية تماما لما قالته شيرين لجمهورها ولوسائل الإعلام المختلفة خلال الفترة الماضية.
اقرأ أيضًا..شيرين وحسام حبيب| "تريند" الشائعات وانتظار النفي والإثبات
حسام حبيب بعد اعترافات شيرين عبد الوهاب: بتهددني بجمهورها وهرد بالمستندات
ومن جانبه لم يلتزم حسام حبيب الصمت بعد تلك الاعترافات، وتحدث خلال مكالمة هاتفية لأحد البرامج التلفزيونية الشهيرة، قائلا: "هيبقى في إجراء قانوني أنا عمري ما دافعت عن نفسي أو اتكلمت دا كلام كله مرسل لكن اللي الكلام اللي هرد بيه هيكون بالمستندات، كل حاجة بحضرها.
وتابع "كنت ألتزم الصمت حفاظا عليها وعلى سمعتها وعلى بيتها، لكن دلوقتي هضطر اتكلم لأن الكلام زيادة مش هطلع أقول كلام مرسل هطلع بحقايق ومستندات، مش هفتري على حد، هرد
على كل حاجة قالتها بمستندات تثبت أن الكلام دا كله تهديد علشان اسمع الكلام وبتهدد دايما بجمهورها وهي بتحاول تعمل كده وإجراءاتي وردي في الإعلام هيكون بالحقائق علشان كده مش مستعجل بظبط أزاي هرد كل حاجة قانونا وبالمستندات.
اعترافات شيرين مع لميس الحديد:حسام كان قاعد في البيت وحلقت شعري بسببه
وبدأت شيرين اعترافاتها مع لميس الحديدي، قائلة: كنت قاعدة في أمان الله مع عيالي بقالنا 4 سنين شايفين الويل سافرنا الساحل لمدة أسبوع علشان ننبسط بناتي نفسيتهم تعبانة وأنا كمان بناتي الفترة اللي فاتت مكانوش بيقعدوا معايا، ظروفي كانت صعبة عايشة مع زوج مبيشتغلش نهائيًا وطول الوقت قاعد في البيت ومبيخرجش كنت محبوسة 24 ساعة في أوضة نومي مبعملش حاجة
شيرين عبد الوهاب:حياتي كانت عشة فران معاه
وتابعت، قائلة: "أنا غلطت في حق نفسي في حق شيرين عبد الوهاب، بس مش عيب أن الست المشهورة تبقى إنسانة متجوزة وتحاول تحافظ على بيتها زي أي ست، كنت فاكرة أني بحافظ على بيتي بس مكنش بيت، دا كان عشة فران، فار دخل المصيدة وأكل الجبنة لحد ما يموت أنا كنت عايشة العيشة دي".
وتحدثت شيرين عن خبايا حلق شعرها بالكامل، قائلة:"هو السبب اني أحلق شعري بالكامل لما بوصل لقمة غضبي ممكن أأذي نفسي، وأطلقنا لما قصيت شعري طلاق بائن، وبعد ما هديت من الكارثة اللي حصلت حسيت أني لسه مش قادرة استغنى عنه وأني بحبه وليه مديلوش فرصة تانية، ليه ميبقاش في رحمة علاقة الجواز علاقة مقدسة لازم نشتغل ونحافظ عليها كنت بحبه وفكراه ابني مش جوزي".
وتابعت:" عملتله استديو خاص لشغله واشتريتله كل الأغاني اللي بيحبها بشيكات رسمية باسمي عشان محدش يغنيها غيره.
وفي الآخر اتهمني إني تخنت بزيادة وبقيت شبه مامته، وعاوز واحدة حلوة افتخر بيها دا غير الخناقات اللي فيها ضرب وسحل على الأرض وشتيمة مفيش إنسانة تستحملها".
لمزيد من أخبار الفن.. اضغط هنا