فيديو..شلبى يفتح النار على ألتراس أهلاوى

فتح الإعلامى مدحت شلبى, النار على رابطة التراس أهلاوى, بعد إشعالهم الشماريخ فى مباراة توسكر الكينى أمس وتحطيم مدرجات ستاد الجييش ببرج العرب بالاسكندرية.
وقال شلبى " والله ما عايزين جماهير, الناس زهقت من التصرفات دى, المشاهد المقيتة دى تخليد الذكرى؟, هى الشماريخ رمز الحب والوفاء يعنى ؟ ".
ورحب بأن توصل الجماهير رسالة مُعينة من خلال دخلاتها أو هتافاتها, ولكن ليس بشكل يضع فريقها تحت طائلة العقوبات, مشيرًا إلى أن لاعبى فيتا كان بإمكانهم إعطاء الشمروخ الذى أًلقى قبل الهدف الثانى للحكم, ما قد يجعله يلغى المباراة أو معاقبة الأهلى.
ومضى قائلًا " فرحتونا بدخلاتكم أول الماتش, ونكدتوا علينا فى الآخر, رايح تكسر الكراسى؟, حرام عليك ربنا هيحاسبك ".
وأضاف أن طريقة الألتراس فى التشجيع تمثل عائق للاعبين فى الملعب, مُكملًا " الفرقة تلعب كورة إزاى وهما شايفين الوضع ده, وواحد واخدلى بنته ونازلين يسلموا على اللاعيبة فى وسط الماتش, منظر سخيف والموضوع بقى دمه تقيل ".
ووجه شلبى رسالة للألتراس قائلا: " اللى مسيطرين عليهم ليهم إتجاهات خاصة, بدل ما ناخد عبرة من ضحايا الأهلى وبورسعيد نخلق عنف جديد ونرجع لنقطة الصفر ؟!".
وأتم حديثه قائلًا:" فوقوا يا مصريين, فوقوا بقى من اللى إنتوا فيه, فوقوا من الأوهام ".