بسمة وهبة عن حادثة فتاة المنصورة: الواقع أكثر دموية من الدراما

دانت الإعلامية بسمة وهبة، واقعة مقتل طالبة جامعة المنصورة ذبحًا، قائلة: "بأي ذنب قتلت، مش قادرة أصدق إن دي حادثة أو كارثة حقيقية، لأني حتى لو شفت مشهد بشع زي ده هقول إن ده خيال واسع من مؤلف، بس للأسف الواقع بقى أغرب من التمثيل ودموي أكثر من الدراما".
اقرأ أيضًا.. بسمة وهبة عن نية (جوجل) صناعة روبوت يمتلك وعي ومشاعر: العالم في خطر (فيديو)
وأضافت وهبة، خلال تقديم حلقة اليوم من برنامج "90 دقيقة"، على قناة المحور: "والله قلبي مقبوض، ده مش مجتمعنا، ولا دول
مش ناسنا، غطيت جرائم كثيرة، لكن هذه الجريمة مختلفة، ولذلك نسأل لماذا قُتلت نيرة، لماذا قُتلت فتاة شارفت على إنهاء دراستها؟!".
وتابعت:"مش قادرة أصدق إنه زميلها في الجامعة ومن نفس بلدها، وزمان كان في حاجة اسمها بنت منطقتي، مكنش في زمان حد بيقرب من اهل منطقته، دلوقتي الدنيا اتقلبت، ده مجتمعنا ولا الجريمة دي ظاهرة لكن الموضوع خطير والموضوع كله يوجع القلب".
انفعلت الإعلامية بسمة وهبة، بسبب واقعة مقتل طالبة
جامعة المنصورة ذبحا، قائلة: "جيل اليوتيوب في حاجة إلى رفع وعيه، ولما بنشيد بالمسلسلات ذات المحتوى الهادف بيتقال بنطبل، أومال انتو عاوزين ايه؟!"، مضيفة: "نتمنى التحرك من كل صاحب عقل ورسالة حتى ننقذ أرواح الأجيال الجديدة من مشاهد العنف الأسري، التي خلقت عنفا، ولا يجب أن نقول إن هذه الواقعة ظاهرة".
وتابعت: "الأجيال الجديدة تتابع السوشيال ميديا وهو أكبر كارثة يمكن أن يتعرض لها أي مجتمع، وهذا الأمر يحتاج إلى تدخل من العقلاء". وأوضح: "أسهل حاجة إنك تعمل الغلط، لو عاوز تبقى راجل قدام البنات اعمل الصح، عشان ده أصعب حاجة، والطالب حاول ينتحر بعد الجريمة وفقا لما قاله شهود العيان".
للمزيد من أخبار قسم الميديا اضغط هنا