ما ظلمش الطيار ولا ظلم حد.. ريهام سعيد تفتح تسجيلًا صوتيًا لمحمد رمضان

قالت الإعلامية ريهام سعيد: "الفنان محمد رمضان من أجدع الناس وزعلت منه من 3 سنين علشان اعتذر عن مقابلة برنامج، ولكن مفيش مرة بعت له علي الواتس آب أو كلمته إلا ورد عليَّ حتى من أسبوعين وبحس إن دا جبر خواطر".
أقرأ أيضًا: ريهام سعيد.. إثارة الجدل عرض مستمر (تفاصيل)
وفتحت ريهام سعيد، خلال لقائها ببرنامج "سابع سما" الذي تقدمه الإعلامية راغدة شلهوب، على فضائية "النهار"، تسجيلًا صوتيًّا أرسله إليها محمد رمضان بعدما طلبت منه العمل معه، جاء فيه: "حبيبتي يا ريهام أنتِ ما تعرفيش كلامك بيسعدني قد إيه وأنتِ إضافة كبيرة واللي ما تشتغليش معاه خسران كتير".
وعلقت ريهام سعيد على التسجيل الصوتي لمحمد رمضان، قائلة: "أنا عيطت لما سمعت التسجيل لإن كم الناس اللي ما بيردوش عليَّ ومعاملتهم اتغيرت معايَ من وقت ما سبت الشاشة
رهيبة".
وأكدت: "محمد رمضان ما ظلمش الطيار ولا ظلم حد وأنا متأكدة من كدا"
ولفتت: "أرسلت لمحمد رمضان على الواتس آب إن أي حد بيقف جنبك بيبقى ناجح وأنا محتاجة نجاحك، وأنا اشتغلت معاك ابن حلال وكنت ساعتها ناجحة وأنا محتاجة دلوقتِ إني أنجح معاك".
وأكملت: "محمد رمضان كان رد جميل وجبر بخاطري".
وقالت الإعلامية ريهام سعيد في نفس اللقاء: "وأنا صغيرة ما كنتش مؤمنة بنظرية المؤامرة وكنت بشوف كل الناس طيبة وحلوة وبعدين بمرور الوقت اكتشفت حاجات كتير كلها مؤامرات وبقيت أشك في أمي وأبويا وكل الناس".
وتابعت: "ما بقتش أثق في حد خالص ودايما اللي حواليَّ بيتآمروا عليَّ".
وأكملت: "الفشل والنجاح من عند ربنا إنما حد يخذلني دي
بتبقي صعبة، وأنا ما شوفتش حد في ال 20 سنة اللي فاتوا اتكتب عليه كم الأخبار والمعلومات اللي اتكتبت عني".
وأكدت الإعلامية ريهام سعيد، أنها حصلت على حكم قضائي ضد الفنانة ريم البارودي، وسيتم نظر تأييد الحكم في شهر مايو المقبل، متابِعة: "لن أصافح ريم البارودي لو تقابلنا في أي موقف".
وأضافت خلال لقائها ببرنامج "ورا الشمس"، المعروض على فضائية "الشمس": "لو ريم البارودي رفعت سماعة التليفون واعتذرت لي كنت هسامحها، ولكن ريم البارودي بتكرهني جدًّا، وعمري ما كنت صديقة لريم البارودي".
وعن صفعة ويل سميث في حفل جوائز الأوسكار، قالت الإعلامية ريهام سعيد: "احنا بني آدمين وكلنا لنا أخطاء، وهذا هو ويل سميث كان يستلم جائزة في يد ويضرب بالأخرى".
وعن خلافاتها مع الفنانة سما المصري، تابعت: "تنازلت عن قضيتي ضد الفنانة سما المصري وفقًا لاتصال دار بيني وبين محامي الفنانة بعد حكم حبسها، لكن المحكمة رفضت التنازل، وسما المصري أول شخصية قالت عليَّ إني رد سجون، وسما المصري ما صعبتش عليَّ لما اتسجنت".
للمزيد من الأخبار طالع alwafd news