فيديو.. ريهام سعيد تروي تفاصيل مؤلمة خلال فترة حبسها بعد ولادتها ب20 يومًا

كشفت الإعلامية ريهام سعيد، تفاصيل مؤلمة خلال فترة حبسها، في قضية حلقة "خطف الأطفال"، مؤكدة أنها سجنت بعد ولادتها طفلها ب20 يومًا، ولم تكن تعلم ما إذا كانت ستراه مرة أخرى أم لا.
اقرأ أيضًا.. فيديو.. ريهام سعيد: بشك في أمي وأبويا.. ومبثقش في حد خالص
وقالت سعيد، خلال لقائها مع برنامج "سابع سما"، المذاع عبر فضائية "النهار" اليوم الخميس، "أنا باختياري التام بعد الولادة ب20 يومًا أخدت شنطة هدومي ومش عرافة راجعة ولا لا؟ وهشوف ولادي تاني ولا لا؟، حاسة كأنه فيلم".
وتابعت: "ابني كان عنده 20 يوم وأنا كنت برضعه وسيبته ومكانش في لبن
ينفع ليه في مصر وكنت لازم أجيب له لبن من أمريكا، وكنت راجل قوي وعيطت بعد 3 أيام من الحبس".
وعن أول ليلة في الحبس أوضحت: "زي ما يكون ربنا بعت لي حد ينيمني لأني نمت كتير أوي ومكنتش مصدقة أن ده بيحصلي، وعيطت وهما بيصوروني الصورة بتاعة اليمين والشمال دي في الحبس لأن دي كانت أخر حاجة أتصورها".
وأوضحت أنها كانت تحاول أن تتأقلم وتحب الناس، مضيفة: "لكن كان في شوكة في صدري أني مش هشوف ابني
تاني، الأيام دي كانت مرعبة أوي بالنسبة لي".
وعبرت عن غضبها من طاقم عملها الذي عملت معهم حوالي 20 سنة، لعدم سؤالهم عليها رغم سجنها ومرضها الشديد، وتعرضها لحادث تصادم، متابعة: "اللي بيصعب عليا.. معقول الناس دي مكانتش بتحبني، بعد ما كانوا بيحتفلوا بعيد ميلادي ويجيبولي هدايا، كل ده كان كذب؟، ولا أنتوا قولتوا ملهاش قومة تاني بعد ما اتسجنت".
وتابعت: "أنا بعد السجن تعبت وشيلت مناخيري 3 مرات، وجالي سكر، وعملت حادثة بالعربية أنا وجوزي، رموني ومحدش اتصل بيا ولا كلمني ولا سلامتك رغم أنهم كانوا أهلي".
مواضيع ذات صلة :
شاهد| إلهام شاهين: "المثليين حُرين في حياتهم وأنا مش ضدهم"
إلهام شاهين: إبراهيم عيسى بيخاطب عقلي.. وأدعم "أمير الغناء"
إلهام شاهين: "عادل إمام مبيردش على حد بس إحنا حبايب" (فيديو)