طارق شوقي خد على دماغه لما مات.. السيسي للمصريين: عاوزين تعليم ولا لا (فيديو)

أكد الرئيس عبدالفتاح السيسي، أن الدكتور طارق شوقي، وزير التربية والتعليم، تلقى الكثير من الانتقادات عندما بدأت الدولة في تطوير التعليم، متابعًا: "لما جينا نصلح التعليم بجد الدكتور طارق شوقي خد على دماغه لما مات".
اقرأ أيضًا.. فيديو.. السيسي: ميزانية الصحة زادت 76 مليار جنيه خلال 7 سنوات ولا تكفي
وأضاف السيسي، خلال إطلاق المشروع القومي لتنمية الأسرة المصرية، موجهًا حديثه إلى المواطنين: "أنتوا عاوزين تعليم ولا مش عاوزين؟"، موضحًا أنه يستغل هذه الفرص من أجل التوعية الحقيقية بواقع البلاد.
وذكر إن حجم الجهود المبذولة في مصر كبير جدًا، مضيفًا: "مفتكرش هيكون في فرص في الكفاح والعمل قد ما إحنا بنعمل بس أنتوا مش حاسين بده".
واستكمل أن المواطن يريد أن يعيش برضا، ولكنه لا يستطيع، موضحًا: "الحاجة غالية وبتغلى، ما إحنا مش منعزلين عن الواقع، إحنا مش عايشين جوا بلدنا بس،
وبنتأثر باللي بيحصل في العالم كله".
وتابع: "لو حصل غلاء بره هيحصل غلاء علينا، والغلاء بيتضاعف لأن معدلات النمو الاقتصادي غير مكافئ لمعدلات الزيادة السكانية"، لافتًا إلى أن الدولة لديها عجز متراكم على مدار 50 عامًا.
وأكد أن المشروع القومي لتنمية الأسرة المصرية، هدفه تغيير أسباب التردي التي شهدتها الدولة خلال العقود الماضية، مضيفًا: "تحدثت مع مسئول بلجيكي ميزانية بلاده 500 مليار دولار، وعنده 10 ملايين نسمة، فقلت له أنا بقى 400 مليار دولار وعاوز أعمل جامعة تدي تعليم كويس، ومستشفى تدي علاج كويس، وعايز أعمل مدرسة تعمل تعليم كويس، مش الناس تتخانق علشان تغشش ولادها وتيجي تقولي ابني معاه شهادة وشغلهولي بقى".
وتابع: "اللي أنتوا فيه ده كله من
عام 1950 سبب تردي الدولة دي، أنا عايش معاكم الحكاية ولما جيت أترشح في 2014 قلت الكلام ده على عدد السكان ساعتها ودلوقتي زدنا 14 مليون نسمة، ومجاتش ليا دخل زيادة يكفي هذا النمو، وده مش عجز من الدولة".
وكشف سبب خروج المواطنين في عام 2011 ضد النظام، قائلًا: "الناس خرجت في 2011 لأن حالة الرضا المجتمعي مكانتش موجودة"، مضيفًا: "الناس مكانتش مبسوطة، ولكن هي مكانتش عارفة هي مش مبسوطة ليه، ومفيش حاجة مكفية ومفيش تعليم كويس، وبدل ما نقول إحنا كمواطنين أدائنا متواضع عملنا الدولة خصم".
وتابع: "أنا مش باخدكم بعيد عن الهدف اللي أنتوا بتقولوه أنا دايمًا بسجل حاجة واحدة وهي الحفاظ على الدولة المصرية وعدم انزلاقها مرة تانية للخراب والدمار اللي كان ممكن توصله في 2011، نتيجة أسباب حقيقية الناس تعبانة وعايزة تتغير".
السيسي يطلق المشروع القومي لتنمية الأسرة المصرية:
حضر الرئيس عبدالفتاح السيسي، صباح اليوم، فعالية المشروع القومي لتنمية الأسرة المصرية بمركز المؤتمرات الدولية "الماسة" بالعاصمة الإدارية الجديدة.
وصل، قبل قليل، الرئيس عبدالفتاح السيسي، إلى مقر إطلاق المشروع القومى لتنمية الأسرة المصرية.