عن الرعب والأكشن وكلية الشرطة.. ملخص تصريحات محمد هنيدي مع منى الشاذلي

حل الفنان محمد هنيدي، ضيفا على برنامج "معكم" الذي تقدمه الإعلامية منى الشاذلي، عبر قناة cbc، وذلك في حلقة استثنائية.
اقرأ أيضًا.. فيديو.. تعليق ساخر من محمد هنيدي على صورته في مرحلة الجامعة
يتحدث عن بداياته وكواليس دخوله مجال الفن، وأبرز المواقف التي تعرض لها على المستويين الشخصي والمهني.
فيما يلي ملخص لأبرز تصريحات هنيدي خلال الجزء الأول من اللقاء
- كنت أريد الالتحاق بكلية الشرطة وحاولت دخول الاختبارات، خاصة أن كثيرا من أفراد عائلتي يعملون في جهاز الشرطة، لكن لم ينفع الأمر في النهاية بسبب طولي.
وقال : "معظم عيلتي في شرطة وكانوا رموز بالنسبة لي، فقلت أنا لازم أكمل المشوار.. خالي وقتها قالي طبعا يا محمد وقام ضاحك، قلتله بتضحك ليه؟ قالي لأ مفيش حاجة، ونزلت اتدربت وقتها في الساحة الشعبية".
وأضاف : "أبويا كان بيقوله أنت كده هتقصر الولد يقوله سيبني أشوف شغلي يا حاج هنيدي، بعدها روحت الاختبارات لما جم يقيسوا طولي نزلوا المقياس كتير أوي، بعدها لقيته بيوطي على ودني وبيقولي حمادة أنت عاوز استثناء من رئيس جمهورية".
- كنت أحلم بالسكن في منطقة العجمي
بالإسكندرية، وبالفعل اشتريت أول شقة لي هناك، رغم ضعف الإمكانيات آنذاك.. "كنت موافق أشتري أي حاجة بسيطة، كانت غرفتين في أول دور، بس قلت للسمسار مش معايا فلوسها.. قالي معاك كام؟ قولتله 10 جنيه، قالي هاتها ونكتب العقد وبعد كده قسطت الباقي".
- تعرضت لموقف صعب بسبب حفل قديم للفنان عمرو دياب، لدرجة أني أصبت ب"الرهاب" لفترة كبيرة بعده.. "كنت بتمشى يوم في العجمي وكان فيلم (صعيدي في الجامعة الأمريكي) لسه بيتعرض، وكان عمرو دياب عامل حفلة حاضرها فوق المليون واحد".
وأضاف : "وكان فيه ناس خارجة يدوب شافوني قالوا عاوزين الواد ده.. بعدها واحد وقتها كتر خيره خباني عنده في المحل واتكسر، كان يوم طويل والشرطة جت خرجتني الساعة 4 الفجر، فضلت فترة بعدها بخاف أنزل وبخاف من الزحمة، قعدت تقريبا شهرين.. ده خير من ربنا والحمد لله وكل حاجة بس كان موقف صعب".
- أصعب مشاهد الأكشن التي
قدمتها كان في فيلم "فول الصين العظيم".. "عملت أكشن في أفلام كتير، عملت في (فول الصين العظيم) والحمد لله طلعت بيه مستوى محدش طلع له، أنا من الأول بصاحب المخرج عشان أحنن قلبه عليا في مشاهد الأكشن".
وتابع : "بس مفيش مشهد كان صعب أكتر من مشهد القنبلة في (فول الصين العظيم)، كانوا بيقولولي هتطير 25 متر ووراك قنبلة.. عادي كده كأنهم بيعزموني على الغدا، وأستاذ شريف عرفة معرفنيش إننا هنصور المشهد ده يومها قالي تعالى يا حمادة عاوزينك في مشهد بس".
- لا أحب أفلام الرعب، لكن زوجتي كانت تحب متابعتها باستمرار حتى مرضت.. "مرة قالتلي تعالي اتفرج معايا ولقيته فيلم مؤذي جدا فسيبتهم وروحت أوضتي، و لما روحت النور قطع ولقيت صراخ جاي منهم برا".
- تعرضت لموقف مرعب في شقة مسكونة بالأرواح وقت عرض مسرحية "حزمني يا"، فقد كنت أريد السكن بمفردي في شقة بالزمالك ومعي صديقي أحمد عبد الله، وأثناء جلوسنا في الشقة سمعنا أصواتا غريبة وطبخ ودوشة متصاعدة في المطبخ.. "حسينا بعدها إن السقف بينزل علينا، فقلتله طيب إحنا هنستنى لما نموت يعني؟ لمينا حاجتنا والصوت بيعلى أكتر، لدرجة وإحنا نازلين اتكعبلت على السلم ووقعت".
- مشروع "عقلة الإصبع" لا يزال قائما، وسيتم استكمال تنفيذه خلال الفترة المقبلة، لكن تأجيله جاء بسبب طول فترة التحضيرات واختيار التقنيات المستخدمة.
لمزيد من الآخبار الفنية.. أضغط هنا