بعد 25 يناير .. الأفلام والأغاني شكل تاني

بعد ثورة 25 يناير انطلق الشباب في استعراض مواهبهم الإبداعية في كتابة الأشعار والأغاني و وسيناريوهات لمشاهد وتحويلها بشكل كوميدي خاصة بعد القبض على عصابة الاربعين حرامي كما يلقب الشباب النظام السابق وحكومته فجاءت اشعارهم وأغانيهم بعضها يعبر عن الوحدة مثل قصيدة "بلدي في18 يوم "
قولنا لبعض يلا نقوم ، كل ال فى نفسو حاجه يقول
انا وابن عمى وابن خالى، ومحمد ومينا ماسكهم فى إيدى
لقينا شعب مليان طموح, وكل مصرى بيطلع فى الروح
عايزين طلب واحد مش طلبين ، ان البلد تكون بتاعتنا مش للغير
...أول مره صوتنا يعلى، وكانت الجرأة مالية قلوبنا
ولا الخوف دا الى موت حسنا ؟، ماحنا كنا عايشين مطاطين راضيين ساكتين
وقفنا فى مكانا وجمعنا شملنا، لقيت بلدى صوتها اتوحد
تنادى بلادى بلادى، انتى لينا يا بلادى
هاء صوتنا طلع مالوش قيمة، محدش عبرنا ولا قالنا كلمة تهدينا
بعدها بيومين، قتلو شبابنا قالو فاسدين ،
قتلو بناتنا قالو عاهرات،
قتلو شيوخنا قالو ارهاب
اتغيرنا فى يومها،
مات الجبن واتولد الغل فى كل طفل لكل بغل وقف قدامنا وهدر دمنا
شعب واحد لونا واحد صوتنا برضو واحد
خلعنا الريس، مسكنا عبيده سجنا نظيفه ذلينا ولاده
شعبى دا ولا شعب مييين
لا دا إحنا المصريين
تقول رقية في وصف الريس المخلوع
فى كدا ياربى بالشكل ده
فى ناس معندهاش ضمير كده
يحرض بقتل شعب بلده
ومستنى ايه مننا
نعطف عليه ونسامحه
لا انسى اننا نسامح عن دمنا
ودا اخرة اللى عملته فينا كلنا
ربنا بيخلصه
ما انت لو مش ناهب فيها
مكنش جرالك كدا
دى مش شماتة ولا بنرفزك
دا احنا بس بنعرفك
ان يجى علينا
هيجى اكيد لوراء
ولا تقولى انجازاتك دا كله مننا
احنا اللى ساعدنا وكبرنا ارضنا
وياريت الكل يتعلم ان اللى يظلم
اكيد فالآخر لازم يتظلم ويتألم
ماهى دى حكمة ربنا
واكيد هناخد من مبارك حقنا
وبعضها جاء على نفس وزن وقافية أغاني موجودة بالفعل مثل اغنية "مش واحد مننا" والمستوحاة من أغنية عمرو دياب "واحد منن"ا فيها يقول احمد حمزة :
إللي ضحي بكل شعبه لأجل ما يمسك جمال
اللي اسم سوزي دايماً كان يوسوس للدمار
اللي حلمه مش حلمنا
واللي فرحه مش فرحنا
...اللي نهر فلوسنا بيجري جوا جيبه مننا
يبقي واحد مش مننا .. أيوا واحد مش مننا
مصر مش حسني مبارك والإهانة والفساد
مصر أكبر من مبارك ومن جمال ومن علاء
واللي نهب حقها مش هيبقي منها
يبقي يطلع منها أيوا يطلع منها أيوا يطلع منها
اللي ضحي لجل نفسه ولجل ابنه باقتدار
واللي قضي عمره كله يجمع السبعين مليار
اللي حلمه كبتنا واللي همه نزفنا
اللي حطلنا حكومة بيها يحرق دمنا
وفي إخراج جديد لكليب محمد فؤاد لأغنية "خدني الحنين"
اضاءة..هنداور..مزيكا..جاهز يا حسنى يا مبارك...go on air:
خدنى الامين بعد السنين
جابنى طرة
هنا للمكان اللى انتهى بيه عمرنا
هنا بلقى عز وعزمى وهنا هتلقح انا
عديت على السجن اللى فيه الحبايب
لاقيت سرور ونظيف ابو شعر شايب
الجيش هنا وناس مرعبة
هنا اصعب مكان هنا حرامية زمان
هنا مكان استهالوا من 30 سنة