حمو بيكا: بشرب "خمور" وبعاني من مرض خطير

ظهر مطرب المهرجانات حمو بيكا مع المذيع أحمد عبد العزيز في برنامج "الوسط الفني" الذي يقدمه علي قناة "الحدث اليوم" وأدلي "بيكا" بتصريحات مثيرة للجدل.
إقرأ أيضاً..حمو بيكا يوجه رسالة لجمهوره بعد إخلاء سبيله للقيادة بدون رخصة (تفاصيل)
حمو بيكا و"الخمر"
صدم نجم المهرجانات حمو بيكا جمهوره ، بعد أن تناول الخمر وقال:"أنا مبشربش مخدرات، لكن الويسكي مفيش حد فى مصر مبيشربوش، بس مش دايما أنا بقالى فترة مانعه، بسبب معدتى مقدرش دلوقتى أشرب أى حاجة خالص لأن معدتى بايظة بسبب المرض
اللي عندي ".
وأضاف بيكا قائلا :"لما بشرب بكون متزن، والويسكي مبيعملش أى حاجة معايا بس بقالى 3 شهور موقفه، وحتى لما كنت بشرب مش دايما على طول لما بكون فى مناسبة بس بنصح أى حد إنه ميقربلهاش ".
مرض "بيكا"
أما عن مرضه فقد قال :"أنا مريض كورونز ودا مرض مناعي، والمناعة عندى زايدة أوى فبتهاجم كل أعضاء جسمي"
أزمته مع عصام كاريكا
حرص الفنان عصام كاريكا على إجراء مداخلة
هاتفية مع البرنامج ليتحدث عن أزمة "سرقة" ألحانه ووضعها في مهرجانات من قبل "بيكا"، فرد عليه "بيكا" قائلا: "أولا أنا مبعملش حاجة غير لما أعرف رايحة فين والأغانى اللى كاريكا بيتكلم عنها تبع شركة مزيكا وأنا ماضي مع شركة مزيكا، فاتصلت بيهم قولتلهم هشتغل على ألحان الأغانى دى قالولى دى حقوقها معانا تمام".
وأضاف "بيكا" قائلاً :"عصام كاريكا نجم على دماغى ولكن أنا عايز أوصله ان معملتش حاجة غير لما رجعت لشركة مزيكا لمحمد جابر، وقالى إن مفيش مشكلة وانه هيحل الموضوع مع كاريكا، وبعدها أنا كلمت كاريكا قولتله انا معنديش مانع إني أخد اللحن بتاعك أعمل عليه مهرجان واديلك أرباح الأغنية".