شارك مطرب المهرجانات الشعبية عمر كمال مقطع فيديو ساخر يجمعه ب حمو بيكا أثناء تلقيهم وجبة السحور بأحد المطاعم الفاخرة في مدينتي، وعلق عليه قائلاً: "لما تكون كحيان وتروح تتسحر فى مدينتى"، وجاء ذلك عبر حسابه الشخصي على موقع تبادل الصور والفيديوهات "انستجرام" وموقع التواصل الاجتماعي الاشهر "فيسبوك". اقرأ أيضاً.. فيديو .. حمو بيكا يخضع لجلسة إزالة شعر بالشمع ويثير سخرية السوشيال ميديا خناقة حمو بيكا و عمر كمال على السحور قرر عمر كمال أن يصنع مقلب في المطرب حمو بيكا، بعد الإنتهاء من وجبة السحور، حيث حاول إقناعه بدفع شيك وجبة السحور، والتي كما بدا في الفيديو جاءت بتكلفة عالية لم يتوقعها "بيكا" ليرد عليه غاضباً : "يا عم انا معرفش انا فين اصلا انا كنت قعدتك في المهندسين على عربية فول كنت أكلتك بردو وكنا دفعنا بتاع 500 600 جنيه انت بقى اللي حابب الفنطزة الكدابة و جايبنا هنا في وليمة". والتفت للجرسون قائلاً: "محدش كل من البتنجان ولا الفول ده وانا معرفش ايه البيض المدحرج ده مباكلوش عندي سميات منه انا مطلبتش حاجة و ده اللي عازمنا" مُشيراً إلى "عمر كمال"، ليرد عليه قائلاً: "بس انت نجم ولازم تدفع الحساب" فقاطعه "بيكا" : "ما هو ده نجم بردو ده عمر كمال والله ما هدفع حاجة انا مطلبتش الا زبادي بالفرالة و جايبينه من غير طعم ماسخة من غير سكر" مقلب عمر كمال في حمو بيكا ع السحور واستطرد "بيكا" : "ادفع يا عمر بقى عشان الناس متتفرجش علينا في الكافيه انت اللي جبتنا هنا انا ماشي وراك بالعربية لقيتك جبتنا مدينتي انا معرفهاش مدينتي دي"، ثم أعطاه عمر كال الشيك وهو يضحك قائلاً: "خد الشيك اهو ادفع انت اللي طالب ده كله" ، ما دفع حمو بيكا لإنهاء الموقف والخروج من مأزق دفع الحساب بقوله: "أنا رايح الحمام" ليجبر "عمر" على دفع الحساب.