عمرو محمود ياسين يفتح النار على منتقدي ياسمين عبد العزيز

عبر الكاتب عمرو محمود ياسين عن استيائه الشديد من هجوم الجمهور الغير مبرر على الفنانة ياسمين عبد العزيز خاصة مع انتشار أخبار وجود خلافات بينها وبين الفنان رامي صبري وهو ما أدى لانسحابه من تتر مسلسلها "وننسى اللي كان".
كتب عمرو من خلال حسابه الشخصي بموقع التواصل الاجتماعي " فيس بوك"، "حقيقي انا مش مصدق اللي بيحصل مع الفنانة ياسمين عبد العزيز لو تتر اتغير من حاجه لحاجه يبقى ياسمين".
أضاف، "لو ممثله او ممثل بيقول جمله معينه هنا او هنا يبقى ياسمين … (طيب انا رحت فين .) لو حد لابس لبس معين يبقى ياسمين!! كل شخصيه متسمية اسم بعينه يبقى ياسمين .. واقسم بالله ان هذا غير حقيقي! لان المسلسل له مؤلف و مخرج و منتج و ستايلست واقسام تخصصية".
تابع، "احنا مش هواه.. احنا بنشتغل وكل واحد فينا بيحترم دور الاخر وكل واحد مسؤول عن اختصاصاته ودوره في العمل ..اكيد بنتشاور وبنفكر مع بعض كلنا للوصول لافضل قرارات اللي فيها مصلحة المشروع.. بس الموضوع كله تصفية حسابات للأسف الشديد . وهي بقت مش عارفه تعمل ايه لما تطلع ترد الناس تقول لها بتردي ليه؟ ولما تسكت الناس بتصدق الاتهامات !!".
واختتم، "حقيقي انا بشفق عليها ولكن اللي بيخليني اهدى ان ياسمين قوية جدا .. جدا جدا و بتقابل ده كله بسخرية وضحك وبترد تقولي انا مش شايفاهم بس انا متعود اواجه و الناس اللي بتتابعني عارفين عني ده و لازم الجمهور يعرف الحقائق لأن انا بعتبر الهجوم على ياسمين هو جزء من الهجوم على مشروعي اللي كلنا بنبذل فيه مجهود كبير جدا جدا ..وربنا يصلح حال الجميع ..وخالص التقدير والاحترام للجميع".
تم نسخ الرابط