عبدالستار صبري ينتقد أداء لاعبي الدوري.. ويروي كواليس اختباره في الزمالك والأهلي

علق عبدالستار صبري المدرب العام لمنتخب الشباب على أداء اللاعبين في الدوري المصري.
وقال صبري خلال ظهوره ببرنامج أوضة اللبس رفقة الإعلامي أحمد حسام ميدو : "اللاعبين كلها زي بعض دلوقتي مفيش اختلاف والكل بيأدي دلوقتي مفيش ابتكار خالص ولا إبداع نهائيًا من اللاعبين للأسف.
كشف عبدالستار صبري المدرب العام للمنتخب الوطني للشباب عن كواليس تواجده في
اختبارات الأهلي والزمالك حينما كان عمره 14 عاما. وقال صبري : اختبارات الزمالك أسامه نبيه كان معايا في مدرسة واحدة وقالي لازم تيجي تلعب معايا في الزمالك وكان كابتن حلمي طولان ماسك الفريق وقتها روحتله النادي شافني وقال لو حد اداله كتف هيقع وكان في
الفريق حازم امام وأسامي جامده وحلمي طولان قالي امشي ورفض تواجدي رفقة الفريق.
وتابع : بعد كده روحت الأهلي وكابتن مختار كان ماسك الناشئين ومشاني برضه بسبب حجمي وقتها.
قال عبدالستار صبري المدرب العام لمنتخب الشباب بأنه يستغل مهاراته لتطوير أداء اللاعبين في المنتخب الوطني للشباب رفقة ربيع ياسين. وقال صبري : استغل مهاراتي لتطوير أداء اللاعبين في منتخب الشباب ومنحهم الشجاعة على تطوير المهارات الخاصة بهم، وحثهم على تكثيف المهارة وليس تحجيمهم.