على غرار عمرو سلامة.. تامر فرج يوجه نصائح لجمهوره قبل مشاهدة الأنسة فرح

حرص الفنان تامر فرج على مشاركة جمهوره مجموعة نصائح قبل مشاهدة مسلسل "الأنسة فرح" في مداعبه من للمخرج عمرو سلامة، وذلك عبر صفحته الشخصية على موقع التواصل الإجتماعي الشهير "فيسبوك".
وكتب "فرج" عبر صفحته قائلًا : "طب يا جماعه انا قلت لناس كتير ان المسلسل هيبدأ يوم 8 بس الصح انه هيبدأ يوم 15 نوفمبر على شاهد vip وبعد كده
هينزل على قنوات mbc.. من يوم 15 ان شاء الله تابعوا مسلسل الانسه فرح الجزء التانى عشان تعرفوا ام فريد هيحصلها ايه وماجد الالفى هيعمل ايه".
وأضاف : "تعليمات المشاهده:لازم تتفرج على المسلسل بشكل شرعى ... او غير شرعى قشطه.. ولع كل انوار البيت وانت بتتفرج .. اتفرج
على المسلسل على لابتوب او تليفون محمول.. محدش يابنى بيتفرج على التلفزيون دلوقتي.. لازم تتفرج وانت محضر لب وسوداني او كاجو وفسدق حسب الإمكانيات الماديه لكل متفرج".
وتابع : "المهم تشرب كافيه لاتيه هازلنت سكيمدميلك.. لو هتتفرج وانت بتاكل طبيخ اوعى تهطل على هدومك من كتر الضحك.. فى ناس غلبانه بتتعب عشان تغسلك هدومك.. اتكلم مع اللى جنبك عادى وانت بتتفرج.. ما هو كده كده اللى هيفوتك تقدر تعمل ستوب و ترجعه تاني.. مع تمنياتنا بمشاهدة ممتعه".