صور .. مريم الخشت تخوض تجربة جديدة

خاضت الفنانة الشابة مريم الخشت تجربة جديدة من نوعها خارج الوسط الفني، وإتجهت إلى إلقاء الشعر لترجمة عامية مصرية لأول مرة لمسرحية "حلم ليلة منتصف صيف" لشكسبير بقيادة المايسترو ناير ناجي على خشبة مسرح مكتبة الإسكندرية.
ونشرت "الخشت" صور لها على خشبة المسرح، عبر حسابها الرسمي على موقع تبادل الصور وافيديوهات الشهير "إنستجرام".
وعلقت على الصور:" من كام يوم خوضت تجربة أنا لو مكنتش فيها كنت هحب جداً اروح اتفرج عليها، وهي إني قمت بالإلقاء الشعري لترجمة عامية مصرية لأول مرة لمسرحية "حلم ليلة منتصف صيف" لشكسبير بقيادة المايسترو ناير ناجي، ومن ترجمة "زينب مبارك"
أمي❤️.. على مسرح مكتبة الاسكندرية.
وتابعت، خليني اقولكم إني اصلاً شخص بيحب يروح الاوبرا وبحضر عروض كتير هناك سواء باليه أو اوركسترا، وحاجة ممكن ناس كتير يستغربوها إن على الرغم من إن أمي ترجمت حاجات كتير اوي لديزني.. وفي نفس الوقت أنا كنت بشتغل دوبلاج لديزني، بس ماجتش الفرصة إننا نشتغل مع بعض قبل كده، وإني على المستوى الشخصي بحب جدأ المايسترو ناير ناجي.. فالتجربة كانت فيها كل العوامل اللي خليتني اتحمسلها من البداية.
وإستكملت، العرض ده زي ما
هو كده اتعمل في انجلترا واللي قدمته الممثلة الجبارة "جودي دنش"، فمبسوطة جداً إني عملت حاجة الست دي عملتها.
وإختتمت، عاوزة أشكر كل الناس سواء الكورال أو الاوركسترا أو الناس اللي كانوا بيغنوا لدعمهم الكبير جداً ليا بسبب خوفي وتوتري إني مطلعش أحسن حاجة عندي لأن التجربة جديدة جدأَ عليا ومختلفة كل الأختلاف عن التمثيل قدام الكاميرا، بس بجد مبسوطة جداً باليوم وبالتجربة و بكل الناس اللي حضروا، الصورتين الأولانيين دول الأقرب إلى قلبي عشان أمي اللي مصور اهملي ".
يذكر أن، الفنانة مريم الخشت قد شاركت مؤخراً في مسلسل "ليه لا" بطولة أمين خليل، هاني عادل، وهالة صدقي، وشيرين رضا، وعمر السعيد، ومريم الخشت، وناردين فرج، ومن تأليف مريم نعوم، وإخراج مريم أبو عوف، وإنتاج عبد الله أبو الفتوح.