"مش هتتمنوا حياتنا دقيقة واحدة " .. إصابة عمرو راضي بحروق بالغة في الظهر

تعرض الإنفلونسر واليوتيوبر الشهير عمرو راضي بحروق في الظهر أثناء علاجه، حيث انتشرت صورة مؤخرًا عبر مواقع التواصل الإجماعي وهو على "عكاز"، بعد إصابته في فقرات الظهر وخضوعه للعلاج الطبيعي.
ونشر راضي عبر خاصية "الأستوري" بموقع تبادل الصور والفيديوهات إنستجرام، 4 صور توضح كيف إصيب بحروق أثناء محاولة لعلاج ظهره في المنزل، وعلق على أحد الصور قائلًا :" بعالج ضهري وانهارده تاني متابعه ليا مع الدكتور ومن ضمن علاج الغضروف القطني "lumbar disk" إني أحط "إربة" فيها ميه سخنه على ضهري عشان يفك شوية وأقدر أمشي، جيت "الإربه" ومليتها ميه سخنه وحطيتها تحت ضهري، انفجرت على ضهري واتحرقت".
وتابع الإنفلونسر تعليقه على الصور :" الحمد لله دائمًا وأبدا، لو اخترنا نورّي الناس بيحصلنا إيه كل يوم مش هيتمنوا حياتنا دقيقة واحدة،
الحمد لله الحمد لله".
جدير بالذكر ظهر عمرو راضي في مقطع فيديو أمس على حسابه الخاص بالإنستجرام، مطمئنًا متابعيه على حالته بعد تداول صورته بالعكاز قائلًا :" "أنا كويس وشكر الله سعيكم ومتشوفوش حاجة وحشة في عزيز ولا غالي بس الموضوع صعب عليا، وأنا والله مكنتش عاوز أطلع قدامكم كده خالص أو أظهر بالشكل ده، لكن الناس بتضغط عليا، الموضوع مش سهل، أنا كويس وربنا يرحمه".
وعلق راضي على الفيديو :" مفيش حاجه ممكن توجع قلبي وتاخد روحي .. زي حزني عليك مع السلامه يا حبيبي ، بس عايزك تعرف إني بشوفك ف كل مكان ، وكل حاجه بتفكرني بيك ،
وشك مبيفارقنيش، مكانك جمبي في العربيه ، كرسيك قدامي في القهوه، الاكل اللي بنروحله، الرغي قبل م بننام ، كل الصور ، كل الاماكن ، كل البيوت، كل الهزار ، كل التفكير ف الماضي والمستقبل ، صحابنا ، كل حاجه بتفكرني بيك".
وتابع تعليقه :" حقيقة ان جسمك فارقني الهروب منها صعب ، بس المستحيل الوحيد ان روحك تفارقني لحظه ، واتعودت عليك وعلى يومي معاك ف سبنا أهالينا وعشنا مع بعض ، رجعتني بيتي لوحدي زي العيل الصغير اللي تاه من أمه ف سوق كبير مليان ناس ، فاكر كلامنا وفاكر أحلامنا وأوعدك هحققلك كل اللي كان نفسك فيه، و هشيل صورتك ف كل خطوه زي م شيلتك على كتفي، وحشتني يا عشرتي وونسي".
كما يذكر أن راضي تأثر بوفاة صديقه "اليوتيوبر" مصطفى حفناوي، وابتعد عن السوشيال ميديا تمامًا ومازال يتعافي من الصدمة.
View this post on Instagram
A post shared by Amr Rady (@amrrady14) on Aug 27, 2020 at 5:34am PDT