شباب الصحفيين إلى نقيب الأطباء: شوف الدولة بتعمل إيه عشان تستورد المعدات الوقائية

واصلت جبهة شباب الصحفيين هجومها على نقيب الأطباء، قائلة: "يا دكتور حسين خيرى يا اللي أنت نقيب الأطباء.. اتمشى برجلك الكريمة وشوف الدولة بتعمل إيه عشان تستورد كل المعدات الوقائية اللى الأطقم الطبية بتحتاجها عشان شغلها وبتعمل إيه برضو الدولة فى الجمارك عشان تخلص إجراءات الحاجات دى.. هو ده برضو مش من ضمن شغل سعادتك".
أضافت الجبهة: "يا دكتورة شيرين غالب حاولى
تتشطرى شوية على المستشفيات الخاصة واتكلمى عنها وعن جشعها.. بدل ما كل تركيزك على وزارة الصحة.. هو ده برضو مش المفروض من اختصاصاتك.. لكن الإجابة معروفة طبعًا هي ماتقدرشى تقرب من هناك عشان المم".
قال هيثم طوالة رئيس الجبهة في بيان صحفي: "على فكرة يا دكتور حسين ويا دكتورة
شيرين انتخابات النقابة اللى جاية لسه بدري عشان تبتدوا تشتغلوا عليها من دلوقتي.. فركزوا الله يرضى عليكوا انكوا تعملوا حاجة لبلدكوا أو لصالح الأطباء اللى استأمنوكم على مصالحهم".
تابع طوالة: "خلوا بالكوا الناس إبتدت تدور بجدية على الذلة اللى منى مينا مساكها عليكوا واللى إنتوا بسببها سايبنها مبرطعة فى النقابة على حسها.. وخلوا بالكوا إن لما الناس تعرف إيه الذلة دى سيرتكوا هاتبقى على كل لسان واللى ما يشترى يتفرج فاحسن ليكوا الفظوا منى مينا عشان دى مش هاتنفعكوا".