دمياط على صفيح ساخن بسبب كروت شحن الكهرباء

دمياط- إيمان البولاقى:
حاله من الغضب تملكت بعض المستفيدين من كروت الكهرباء حينما توجهوا لشحن الكروت الخاصه بهم ففوجئوا بان السيسيتم واقع وعليهم الانتظار حتى يعود السيستم مره اخرى.
ففى دمياط قال محمد الغباشى، توجهنا لشحن الكروت فاذا بالسيستم واقع والكارت مش بيتشحن فورى، إضافة الى انه يتم خصم 26 جنيها ال100 جنيه .
وفى كفر البطيخ قال وائل لاشين، عندما فوجئ الاهالى بسحب الرصيد من العدادات، توجهوا للشحن لكنهم فوجئوا بعدم توفر الخدمه لوقوع السيستم وهو ما اشعل غضبهم .
بينما اضاف رضا عفيفي، انا شحنت بالأمس ب 100 جنيه، وفوجئت اليوم بالكارت اتسحب، فتوجهت
للشركه وعملت مشكله.
وقالت امل محمود، طوال الشهر من وقت ما شحنت برمجوا العداد على الشريحه الرابعه ومفيش حاجه شغاله، وبعد شكوى الناس اليوم..رجع العداد على الشريحه الأولى.. يبقوا فعلا بيعبثوا بينا وبيسرقونا.
وتسأل محمد حسن، "اذاي اشحن فى أسبوع 3مرات الشحنه55وشحنت يوم 30 فى الشهر55 والنهارده فيه 12 اذاى ولا عندى تكييف ولا بفتح حتى التليفزيون اذاى الشغل كله رايح على الكهرباء مش عارفين نعيش حسبنا الله ونعم الوكيل"
وصرخ على بسيونى قائلا، يا جماعة فى استهتار واستهانة
بحق المواطن فى كل شيء،حتى اماكن الشحن برغم كل الأموال الموجودة فى الشركة قليلة جدا ولا تتناسب مع كمية العدادات المنصرفة واللى هتتسرق اخر كل شهر،طب انتوا عارفين انكم هاتسرقوا الرصيد وهايبقى فى اقبال على الشحن زودوا المنافذ اول الشهر.
وتابع القول، بأن مدينة مثل دمياط الجديدة، بها منفذان فقط ورغم ذلك يوجد منفذ يغلق أبوابه الساعة اتنين ونصف والآخر اخر البلد يعنى لازم تركب له سرفيس علشان توصل له وتجد الطابور خارج من المبنى والمواطنين الغلابة واقفين فى الشمس لانه أصبح هو المنفذ الوحيد بعد الساعة اتنين ونصف، ليه مايكونش فيه منفذ فى كل مجاورة للتسهييل والتيسير على المواطنين
على فكرة المنفذ الموجود فى المجاورة السادسة لا يعمل يوم الجمعة والعطلات زى اى موظف، ليه مايبقاش فيه نبطشيات